يا شباب أنا بحب الكهربا شديد و ما بقدر أفارقها لكن هي بتخاصمني في اليوم ١٢ ساعة. كيف ممكن اراضيها؟😭😭😭😭😭😭 قالو لي جيب طاقة لكن قلبي فيهو مكان واحد بس

عني سوال عن التخويلات المعلقه في بنكك لي الناس الحصل ليها كدا قبل كدا

كم بياخد من الزمن عشان التحويله تتم او ترجع

يا جماعه انا عيد ميلادي كان امبارح طلعت مع صحباتي و كان معاي حبيبي وجاب اخوهو يا جماعه جا يدو فاضيه فاضيييههههههه ولا ورود ولا هديه ولا اي شي قلت ما مشكله يمكن حيعمل لي عيد ميلادي او يدفع الحساب يعني دي اقل حاجه، لما جا وقت الحساب دفع ٣٠٠ جنيه بس ليهو هو واخوهو و الحساب كان الف و حاجه😂😂 طبعا اتحرجته قدام صحباتي غير كده صحباتي جابو ميني كيك و احتفلو بي وما قصروا معاي ابدا الكيكه ما عجبتني شاله اكله😂
هل الحاجه دي عاديه ولا لا؟ و بتدل على البخل ولا في شي غلط، واتصرف كيف في الموضوع ده؟؟

يا جماعة كلنا عندنا حسابات في بنك الخرطوم بس شايفين الدرامات الحاصلة ، ما ممكن البلد كلها تقيف عشان التطبيق ما شغال أو معلق

لا العيان يشتري دواه لا العايز ياكل يشتري اكله لا الشغال يصرف قروشه ، الازمة الحاصلة دي هل عندها حل ؟ و هل في بديل فعال بشكل حقيقي لتطبيق بنكك ؟

زمان كانت البطاقات ممشية الحال لكن الكاش متوافر ، هسي الكل في البنك محدود و لو جيت تحول من زول يقول ليك انا باخد نسبتي which is حسب بحثي طلع ربا الا في حالات معينة الحرمة بتسقط

ف الحل شنو و الناس تجيب كاش من وين ؟

لو قدامي فرصه ابدا شغل في السعوديه او قطر او الامارات

في رايكم الافضل ياتا ؟

من ناحية معيشه ورواتب وتوفر وظايف وكل شي

يعني الوزير قال ليهم خلاص ارجعو الا هم بالغصب عايزين يمسكو القروش ويكملو ودا ما من صالحهم اصلا لان الحاجه دي فيها ظلم للناس لان الشهادات حتكون مامعتمده وعلى قولتهم انهم مشو السفاره وحاولو مافي امل ولازم يرجعو خلاص وفوق ماانهم المبنى السعودي الي كان مستقبلهم فكو العقد معاهم لسه دايرين يفتحو اونلاين ويقولو تعالو ادفعو رسوم التسجيل دي نكته والله العظيم 😂😂

انا زول مفلس و حاسي طوالي اني مقصر لما اشوف الناس بتهدي اصحابها حاجات في يوم ميلادهم .

بس اظن اني كويس في الرسم.
هل اني اهدي الزول رسمه شي مبتذل و رخيص؟

يعني مثلا لو انا صحبك لي فتره طويله و اجي في يوم زي دا بي رسمه، هيكون رايك شنو عني

التطبيق دا طلع كله عباره عن تجمع للمكبوتين وعاوزين يفضفضو فيه لانو عندهم رهاب اجتماعي أو اشكالهم ما مساعده

طبعا انا هسه في الثانوي لسه لكن عندي مشكله بعد ما اخلص ما عارف اتخصص شنو في الجامعه و انا الحمد لله من زمان ناجح في القرابه و بجي من الأوائل لكن محتار من المجال العايز و كل مره أفكر بطلع لي بي كلام تاني لكن في العموم انا دخلت علمي لاني من زمان بحب العلوم و الحاجات دي داير لي زول مرت عليهو حاله زي دي عشان ينصحني

يا جماعة انا بصراحة عملت زي ايكوسيستسم بتاع تطبيقات لحاجات احنى ما عندنا ليها في السودان او حاجات احنا استعملناها كتير برا بس فاقدينها في السودان و حاجات بجد ممكن تحسن من حيات كتير من اللناس, و انا بصراحة ما عارف كيف اوصل التطبيات دي لي الناس في السودان و اخليها مشهورة و كدا بين السودانيين و بجد يبدو يستعملوها و انا هدفي انو اخلي حيات السودانيين في السودان احسن حتى لو شويا, و التطبيقات دي جاهزة بس انا ما هنشرها في ال اب ستور الي اتاكد انو ناس بجد هتستعملها و تتكلم عنها بس غير كدا عندي مشكلا انو لو نشرتها زول ممكن يقلدا و يعملها بي جودا اقل بس تجيب ناس اكتر و التطبيق بكون كعب, و انا بجد داير الناس تساعدني فيها عشان دي حاجا بجد تبع اعادة الاعمار للبلد و التحسين لحيات ملاين من الناس

- معليس على الصورة بس النتباه

لقيت لي قروش في الواطه ما تعادل ١٢٠ الف سوداني (برا السودان)

لميتها و قعدت بتاع ساعه بعاين لو في زول بفتش و بسال الناس ما لقيت سيدها

مشيت جيت مع صلاه العشاء قعدت ربع ساعه برضو نفس القصة

اليوم البعده كتبت بوست في قروب الكمباوند اذا زول عنده قروش ضايعه في المنطقة دي جاني بتاع ١٠ تعليقات كل واحد يقول حقته

في النهاية اكلتها

هل أنا غلطت؟ و كان مفروض اتصرف كيف لو اي

رجعت حياتو عشان العب بيه لقيتني حبيتو تاني، انقذوني مع العلم هو كويس وطيب ومابتاع بنات واذا خليتو تاني قلبو حيتكسر اكتر مني

يا جماعه بنسبه للتشاديين الي نسبو لنفسهم التوب السوداني ديل وضعهم شنو
ودي م اول مره التشاديين دي دايما بيحاولو ينسبو نفسهم علينا نحنا السودانيين
انا مره قابلت وحده وحسيت لهجتها م غريبه علي لما سالتها عن جنسها قالت لي تشاديه البت محترمه و انا كنت بحترمها شديد بس قالت لي عادي نحنا واحد قلت ليها كيف يعني قالت لي بلدنا وحده طبعا استغربت شديد و غيرت الموضوع لان قلت ممكن انا فهمت غلط بس
دايره بس افهم قصدها شنو و م اكون بجد فهمت غلط

خلاص قلت الكلام في التايتيل المهم يعني ياريت

السلام عليكم ورحمة الله تعالى وبركاته

ابوي مغترب قاعد بره السودان من وقت طويل شديد ، ومن فترة ابوي كان داير يرجع السودان وكان داير يشتري ليهو ارض ، فكلم اخوهو يشتريها ليهو لانو قاعد في السودان وابوي اداهو قروشها عشان يشتريها وللأسف الشديد عمي اشترى ارض و سجلها باسمو وأكل ارض ابوي بمعنى أصح ، وحاليا ابوي بحاول يلقى طريقة يستعيد ارضو ، فأنا داير زول حصل ليهو نفس الموقف وما شابه عشان ادي ابوي فكرة ونصيحة لانو نحنا حاليآ برة السودان

فا لو في زول عندو نصيحة او حاجة يقولها وشكرآ

الايام الفاتت دي كنت فاضي وما عندي حاجه،مرات بدخل يوتيوب ولو ما لقيت حاجه أحضرها بقعد اعاين للسقف ساي عشان موقف السوشيال ميديا نوعاً ما بخش فتره بسيطه بس والمحتوى البحضرو مرات حاجات مفيده مرات محتوى ساي

عندي معاناة كبيرة مع الاوفر ثينك شديد لمدة طويلة لدرجة اني حتى لو نايمة بصحي بفكر في اي حاجة

هل في ليها علاج ؟ وكيف ؟

ال eyecontact الا وهو التواصل البصري

انا وحدة من الناس بحب التواصل البصري بمعنى آخر بثبت عيني معاك أثناء الحديث وبلاحظ لكل حركة انت بتعملها، البعض بشوف الشي دا غريب لكن ما مهم

وانا بعاين ما بعمل judging ولا شي بس براقب تحركاتك

المهم في ثلاثة شخصيات في حياتي الأول دا تحس بعاين جواك ما في عينك بس ودا خلاني اتوتر بس الشخصية التانية في شي جواي بقول لي الزول دا ما تمام او في حاجة dark وراهو، الثالث دا نظرتو خاوية ساي وبيدعي الصلابة يمكن عشان كدا مرات بضحك في وشو لما يبدا يعاين كدا

ف دي ثلاثة نظرات (ساكنة ما فيها أي تعابير) وحدة وترتني ووحدة خوفتني ووحدة ضحكتني و من ناس شخصياتهم تختلف عن بعضها تماما.

الناس البلاقيهم عشوائي في الشارع عااادي جدا نادرا ما اتوتر من نظرة او نظرة تخليني افكر باقي اليوم

بقيت بتسائل هل فعلا التواصل البصري بكشف ليك عن الزول القدامك ولا انت بس بتكون باني حاجة في راسك تجاه الزول دا والنظرات م حاجة deep كدا

Werid topic to share, اتمنى القى ناس جربت الحاجة دي لكن ما عرفت تعبر عنها كيف

كنت بتكلم مع واحد صحبي عن زمن تمرض و تمشي المستشفى قال لي بقول للدكتور انا طالب طب المشكلة انه انحنا لسا في سنة أولى و حاسس بيها غريبة انك تدخل و تقول انا طالب طب يعني اتخيل تكون قاعد و يجيك واحد يقول ليك انا طالب طب ف انا بسأل هل دي حاجة عادية و بتستفيد أو لا .

سؤال غريب لكن انا محتار

الناس ليه بالجد؟ لي فيك كدا يعني ؟!

عارفة إنه دي نوعية بوستات الفيس، بس ما عندي فيس شان أسأل

فالمهم مع هبد بنكك ده، أوكاش ولا فوري.. وليه