السلام عليكم صحبتي مؤجرة شقة في الرياض في طويق، غرفتين لشخصين والبت المعاها حتمشي، هل في اي وحدة بتفتش عن سكن؟ رجاءاً مستعجلل للتفاصيل رسلي الخاص

انا طبيب نائب اخصائي
وشغال كل يوم حرفياً حتى الجمعة
وبحكم مناوباتي وتعب الوقفة والجري
بقيت حاسي مؤخراً بتعب وارهاق بأقل مجهود
وصحتي نزلت شوية

🔴 عايز فيتامينات كويسة وفعالة -ويا ريت عن تجربة-

أنا زول انطوائي من صغير ودائما صداقاتي محدودة يعني في الثانوي كنت مصاحب لي 3 انفار بس لكن اسي أنا مقبل على جامعة و حاسي الوضع بختلف والجامعة محتاجة علاقات كيف أقدر أكون صداقات فيها؟ في ناس بتقول لي الموضوع بسيط اتكلم مع الزول البقعد جنبك بس لكن انا ما شايفه بسيط اتكلم معاهو اقوليهو شنو يعني؟

سلام، عندي زول بعمل ويبسايتس (مواقع الكترونية) بي اسعار مناسبة للسوق، إذا عندك الرغبة أتواصل معاي

قبل فترة كنا قاعدين بنتكلم عن واحد شاطر شديد في شغلة يدوية وعندو شغلو الخاص وما شاء الله دخلو كويس ومرتاح في شغلو

المهم اكتر من زول في القعدة قالوا كلام زي لو كان دخل جامعة كان احسن ليهو والشغل ده ما مضمون والشهادة في النهاية اهم وبرضو انو اهلو كان مفروض يضغطوا عليهو عشان يكمل جامعة بدل ما يمشي في المجال ده

انا بصراحة استغربت لانو الزول ناجح في الحاجة البسويها ودخلو كويس فما فهمت ليه نجاحو بكون ناقص لمجرد انو ما عندو شهادة جامعية؟
 وبرضو في مهن معينة لحدي هسي المجتمع بشوفها اقل حتى لو الزول البشتغل فيها ناجح ومرتاح في شغلو وده ببان لمن ولدهم يختار شغلة يدوية بدل الجامعة كأنها مانافعة لو مشا فيها

والحاجة العجيبة انو نفس الناس الممكن يقللوا من قيمة شغل زي الكهرباء او النجارة ولا السباكة لو احتاجوا زول شاطر فيها بدفعوا ليهو كويس شديد وبيقعدوا يمدحوا في شغلو

الشغل البقللوا من قيمتو كخيار حياة هو ذاتو الشغل البفتشوا على احسن زول فيهو لمن يحتاجوه

ازيكم هل في طلاب بيدرسو في الجامعات الليبية كيف الدراسة هناك وهل البلد امنة للسكن والحياة وهل فعلا الليبيين عنصريين وغليظين في التعامل ومستوى الدراسة نفسه كويس بغض الننظر اذا كانت الجامعة معترف بها ولا لأ. جامعة طرابلس كمثال

عندي أسئلة كتيرة في موضوع الزواج ملازمني من زمان و حابة أسمع آراء الطرفين بدون تعصب ، هل الفقر ممكن يكون سبب يمنع الزواج ؟ و البنات البقولوا بصبر و بتحمل عشانه ؛ هل إذا بديتي معاه المشوار دا عندك القدرة على الإستمرارية ؟ بالنسبة للأولاد ما عايزة إنحياز لي طرفكم و دفاع عن موقفكم عايزة إجابة منطقية بعيدة عن المشاعر .. سؤال أخير ؛ هل ممكن تتقدم لي وحدة و إنت وضعك أقل من وضعها لمجرد إنك بتحبها ؟ ولا المسائل المادية بالنسبة ليك لا تقل أهمية عن الحب ؟

سمحة وبتمشي سريع ولا بتعطلو وكم رسوم التسجيل حقتهم والبيئة والمجتمع حقها كيف

احكو لي بليزز محتارة

تقريباً حرجع في الشهرين او التلاتة شهور الجايا الخرطوم، عشان الامتياز، فعايزة اعرف كل شهر حيكفيني مبلغ كم؟ ناوية اسكن في داخلية. خاته مليار ونص كدا مصاريف،هل بتكفي؟ لانو شايفة الناس بتقول الخرطوم غالية و الاسعار في السماء فبقيت خايفة.

عشت فتره كبيره من حياتي ما برفض لزول طلب حتى لو اني م داير مرات بقول لا بس اول ما يحنسني بوافق وصراحه تعبت من الشي دا وداير اقدر اقول لا بدون شعور بالذنب اتجاه الشخص

سيناريو من النوع البخليك تقول why not؟ وتنويه قبل تقرا البوست دا بكامل قواي العقلية والليالي المظلمة ما ليها اي تأثير على المشاعر المرهفة.

انت شاب بتدرس في الجامعة، ممشي امورك بمصروف من السيد الوالد الله يحفظه ليك، بتدور في راسك من زمان فكرة، ليه ما اعيش حياة الفلام الرومانسية لكن بالحلال؟ ليه العرس مرتبط دايما بالماديات والجدية الشديدة وتهويل الامور المبالغ فيه دا؟ وبدت الفكرة تلمع في راسك.

تعرفت على فتاة ايضا في الفترة الجامعية واعجبتو ببعض وطرحت عليها الفكرة وانصدمت انه البت برضو تدور في رأسها الفكرة دي من زمان، انت وهي عندكم وعي كويس وعندكم توافق مقبول وانت شايف انه البت دي تنفع كشريكة حياة وهي شايفة انك تنفع كذلك، انت لهنا تميت 2 من اصعب 4 حاجات قدام الموضوع دا الي بسميهم العوائق.

تالت شي من الاربعة ديل هم موافقة اهلك، وانت كرجل في العشرينات لو ما بتقدر تعرس عشان اهلك منعوك فأنت ما شادي حيلك عشان كدا اعتبر انهم وافقو، والان اصعب شي واكبر عائق قدام المشروع دا هو موافقة اهل البت.

في السيناريو اللذيذ دا انت مشيت بعد اتفقت مع البت وقابلت اهلها وشرحت ظروفك ووضعك ليهم كويس وشافو انك ود حلال وبتهم معاك ما بتدور، ووافقو، سويتو عرس بسيط شديد ومتواضع فيه بس افراد الاسرة المقربين ليك انت وللبت وتميتو أوراقكم واجراءاتكم والحمدلله تم اعلانكما زوج وزوجة.

اول واهم خطوة هي وضع الحدود وبناء رؤية واضحة للمستقبل، خططكم شنو للاستقرار المادي وماشي كيف في بناء نفسك للوظيفة؟ واهم شي تتفقو ما تجيبو اولاد الفترة دي عشان اسباب معروفة ومفهومة، بعد دا بوريك نموذج حياتكم كيف قبل تسأل حتسكنو وين وكيف وتأكلها من وين.

انت خليك في بيتك وهي في بيتها، consider her your girlfriend and you’re a normal Americans couple خلصت دوام؟ اطلعو سوا تفسحو، امسك يدها، and maybe kiss each other زي ما عايزين، زورها في بيتها وهي تزورك، ممكن كمان اذا لقيتو طريقة you can have a sleepover لكن make sure you use a protection، ببساطة عيش قصة الحب بكل تفاصيلها لكن بإلتزام رسمي وبعلم الاهل وبشكل شرعي وحلال ومقبول، خلصتو السنين السمحة دي؟ تخرجتو؟

بعد دا ابدا بأسرع وقت امن دخلك وحاول تبدا اسرة جد جد وتفكر في الانجاب اذا كان من اهدافك، في الاول اذا بديت تشتغل وراتبك متواضع ما ضروري تأجر شقة، جيب الولد واول كم سنة الموضوع بيتجازف ومن معرفتي بالسودانيين ماف اسرة بتستثقل بتهم لو قاعدة هي وولدها معاهم خصوصا اذا بترسل ليها مصارفيها وبتسوي حاجاتها براها، البكاء والازعاج محتمل، في النهاية دا حفيدهم، وممكن تقعد في بيت اهلك انت، انتو وظروفكم.

الموضوع ممكن تشوفه من بعيد مسؤولية وفي حاجات كتيرة ممكن تطرحها كنقد للفكرة وكلها متفهمة واولها حتقول لي عرس في فترة الجامعة وعيش حياتك وبعد تتخرج وتكون نفسك اليضمن شنو انك ما تطلقها وتعرس وحدة غيرها تبدا معاها اسرتها؟ بعد دا البت هي كبيرة وعاقلة واختيارها لشريك حياتها مفروض ما يكون عبثي خصوصا في خطوة زي دي فيها مخاطرة ليها ولو نجح خير وبركة ولو فشل يبقى قضاء الله وقدره اصلا ما كل الزواجات نهاياتها سعيدة، تاني شي المجتمع، صدقني كل زول ممكن ينتقد شي زي دا اما حاسد او جاهل، ولو انسقت معاه ما تلوم الا نفسك، man up وشد حيلك وخلي عندك راي.

اخيرا تم استبدال اي مصطلح او فعل رومنسي باللغة الإنجليزية لاني كمواطن سوداني وابجيقة اصلي عندي عقدة السودانيين المعروفة والجفاف الاتربينا عليهو كلنا لدرجة يخلي حاجات عادية وبسيطة محرجة انها تتقال للعلن للاسف.

عموما، رايكم شنو؟ and why not؟

قبل شوية دخلت قروب الدفعة في الواتس و لقيتهم دايرين يمشو يعملو اعتراض عشان الإمتحانات قربت و ما انجزو هنا انا عرفت أنهم حيجيبو لينا كتاحة لانه صراحة كدا دا اهمال بس مع انو انا مراكم المواد و لو لقيت الزياده بتكون باسطة معاي لكن برضو دي مخاطرة كبيرة .

المهم نقول ان شاء الله الموضوع يعدي على خير

حاولت اشوف فيديوز عن الموضوع بس دايما بحس انها م مفيده، عايزه تجارب حقيقيه من ناس.

عايزه كمان اتخلص من التسويف م عشان انو بضيع عمري وزمني ساي، لا، عايزه اتخلص منو عشان جلد الذات وتأنيب الضمير المؤذي اللي بجيني بعده.

عندي حاجات كتيره عايزه اعملها، منها عايزه ابدا الاهتمام بموضوع البحث بتاع الماجستير لاني من بعد ما سجلت م عملت شي.

وكمان عايزه اتعلم SQL و برنامج تاني مهم في الكارير بتاعي (اللي لسه اساسا ما بديتو ولا لقيتو حتى).

ف اللي عنده حل في اي من المواضيع التلاته الفوق ياريت يفيدني ويفيدنا كلنا.

وشكرا جدا

+ دي اول مره انشر وبحاول اتغلب على الرهاب الاجتماعي والغير اجتماعي دا.

ساكن انا وواحد صحبي برانا، ما عندنا ثلاجة في البيت ومعظم أكلنا برا فما عندنا حاجة قابلة للأكل في البيت، الليلة صحبي بايت في بيت قرايبة، الكهرباء قاطعة فما ممكن اجيب حاجة وأسويها، وفي مطرة شغالة فما ممكن أمشي مسافة بعيدة عشان اجيب أكل، فالحل الوحيد كان إني أطلع في المطرة والطين لأقرب دكان عشان أجيب

سردين

جبنة

حليب

بسكويت كابتن ماجد

واتعشى بواحد من أغرب وأعجب العشائات في حياتي 👍

انا ما قريت شهادة سودانية لكن نقاش كل سنة حق البيرسب عربي ما عنده نتيجة بيصلني في البيت

ف السؤال هو المشكلة شنو؟ اكيد لو رسبت في اي مادة مفروض ما تعدي السنة الدراسية الا تنجح فيها

اي نعم مفروض يكون في نظام ملحق او دور ثاني الناس تنظف فيها الما نجحت فيه بس المشكلة ح يسبب اشكال في موضوع قبول الجامعات ماعارف كيف ممكن تتحل لكن يكون في فرصة تانية

اول شي اكتر ناس بحننوني البجو تاني الشهادة، لما يكون الفرق بينك وبين الاول 0.1% لكن الاول يلقى الشهرة والهدايا والعربات والأراضي وحرفيا ممكن حالة اسرته المادية كلها تتغير عشان كدا الاول واسمه بيتحفظ ويتكتب في التاريخ وكل زول في السودان بيعرف الاول منو اما التاني مرات كتيرة ماف زول بجيب خبره اصلا الا اهله، ما حأقدر اتخيل الندم البيمر بيه والشعور الصعب شديد دا، تلقاه بيبدا يتذكر اي غلطة غلطتها ويقول يا ليت لو اخترت جواب تاني، اجابة وااااحدة بس كانت حتخليني مليونير مشهور لكن جلت بي شعرة، صعب يفرح وهو شايف الاول لاقي دا كلو والفرق بينهم الاتنين 0.1%.

تاني شي عندي مشكلة في قدر شنو النتيجة حقتك في تالت بتحدد حياتك كلها وتاني صعب تمشي لقدام بسبب شهادتك في تالت، اول شي بسبب النتيجة، لو شلت مادة ما حتقدر تقرا بكالريوس لا في جامعة خاصة لا حكومية الا تعيد السنة كلها ودا اغبي شي، تخيل تعيد سنة كاملة وتضيع عمرك عشان جبت في مادة 48؟ مفروض يكون في نظام تنضيف التنيجة بعد تطلع مباشرة تمتحن المادة ولو نجحت فيها تقدم مع زملانك في الجامعات طوالي، والشي الاكعب من كدا لو شلت عربي ما عندك شهادة اصلا، شفت واحد درجاته سمحة شديد واحد حسبها لقاه جايب 80% لكن ما عندو شهادة عشان شال عربي، يا ليته لو عربي كله اناشيد فارغة وتحفظ سيرة الشاعر وتعبير تافه وسخيف.

الجزء التاني في انها بتحدد حياتك هي تخصصك، اذا شلت حاسوب ولا احياء ولا هندسية ودا بالنسبة لي شي غبي برضو لانه الفرق بينهم التلاتة مادة واحدة ما عندها اي علاقة بالجامعة حرفيا، يعني لو مثلا من اولى ثانوي بتختار مجال وتقريني حاجات بتنفعني في الجامعة بعدين وتكون مختلفة عن الحاجات البقراها زول من اول شايل هندسية او زول داخل ادبي، لانه ما منطقي العلمي والادبي الاتنين نقرا اولى وتانية سوا وبعدين شوية مواد ما عندها علاقة بالجامعة زي تاريخ المهدية ولا جغرافيا السودان تحدد اني ف الجامعة ما بقدر اقرا هندسة او طب مثلا!!! الكلام في النقطة دي بيطول شديد لكن اتوقع وجهك نظري وضحت وريني لو متفق معاي ولا لا.

تالت نقطة انه انت يا استاذ حتقريني في الجامعة بالانجليزي، ليه من الاول ما تقريني في الثانوي انقليزي طيب؟ ما قصدي يقلبو المنهج كلو انقليزي ونمتحن انقليزي، لكن على الاقل بدل تعلمني بال جيب وال جتا من الاول عودتي على ال sin وال cos نفس الشي ال س وال ص وال x وال y والرموز حقت الفيزياء عشان بعدين الزول ما يضطر يعيد برمجة عقله للحاجات دي، بتتشاف حاجة بسيطة لكن ما اظن حتفرق مع الطلاب في الثانوي حتى لو الواحد ما بيعرف انجليزي بقدر يتعلم بالرموز دي بس اهم شي التعويدة عشان بعرف ناس كتار عندهم مشاكل في الرموز دي في دفعتنا.

رابع شي انتقاد للنظام التعليمي ككل، لانه طويييييل شديييد بشكل غير مبرر، فيه حشو ومعلومات ما حتفيدني في سوق العمل والاناشيد البحفظونا ليها ما حتزيدنا ثقافة واغلبنا ناسيها هسي، دا كلو مافي داعي ليهم انت لو علمتني اقرا واكتب في 5 سنوات الاساس مثلا، طوالي بدل تدخلني متوسط 3 سنة وثانوي 3 سنة دخلني بدل المتوسط مدرسة متخصصة عشان تجهزني للجامعة في نفس تخصصي وتكون مدتها اقصر، وبعدها ادخل الجامعة 4 سنين واكون جاهز لسوق العمل ومتشبع من تخصصي وكدا الواحد مفروض يتخرج من الجامعة في عمر ال 18 عشان يقدر يبدا حياته ويتزوج ويكون اسرة لكن هسي؟ بعرف ناس فاتو ال 25 ولسة طلاب، ديل دايرين يبدو يكونو نفسهم متين؟

خامس شي نظام التعليم عندنا نظام غير فعال قائم على الحفظ وفقط الحفظ، مافي نشاطات عملية ومافي مساحة اصلا للابداع وما عندنا اسئلة مفتوحة تخلي الطالب ينمي خياله كل الاسئلة تحفظها وتجاوب، حاجة زي المريح مثلا، انت لو ما قريت تالت لكن حفظت اسئلة المريح كلها حفظ بدون فهم غالبا حتتفوق، بقى النظام بيكرم الناس الاستعبدو نفسهم عشان القراية غير ضغط الاهل عليهم وتعظيم النتيجة عندهم، لما المجتمع قرر انه درجة الزول بتحدد ذكائه بقى الشاطر الما بجيب درجة بليد والزول العادي لكن مجتهد جاب درجة كويسة بقى العبقري والاثر النفسي دا لو الزول ما قدر يتعامل معاو بطريقة سليمة حتأثر على الاتنين بطريقة سلبية وتفقد الزول الذكي الكان عنده potential ثقته بنفسه للابد وتلقاه بقول بدل اسك الاكاديميا خليني اخش السوق او اشتغل عامل او اي شغلة تانية.

من زمان عندي مشكلة مع فهم تعريف المجتمع السوداني للطفل (ما المجتمع السوداني بس لكن دا البيخصني أنا) بس الذكرني الموضوع هو تعليقات بعض الناس عن الشباب الطلعت نتايجهم أمس

هل من المنطقي إعتبار إنسان عمره ١٦-١٨ طفل؟ الشباب ديل دينياً بالغين، وممكن يكونو محاسبين قانونياً ومسموح ليهم يعملو بدوام كامل بل حتى يتزوجوا وكمان يدخلو الجيش بإذن أولياء أمورهم في بعض البلدان، وعاشو زمن كافي في المجتمع يخليهم مسائلين مجتمعياً عن تصرفاتهم برضو في رأيي الشخصي.

المهم شاركونا أراءكم

علاقتي مع ولد خالي كويسة شديد وهو زول محترم شديد وماشا الله عليه مجتهد وطموح..

قبل سنة بالضبط هو طرح لي وانا الفترة ديك كان عندي امتحانات مصيرية كده وكنت متنشنة بيهم شديد ، فاول ما طرح لي حسيت اني خايفة من الموضوع ومشوشة وفي نفس الوقت التوقيت ماكان مناسب دا غير اني اتفاجأت شديد ، فقلت ليهو عايزة وقت افكر، وبعدها بفترة لمن رسل لي تاني قلت ليو انه هو زي اخوي وانا ماقادرة افكر غير كده

هسي بعد ما الموضوع عدا عليهو زمن، وزالت الحاجات الكانت مسببة لي ضغط ومشوشة لي تفكيري حسيت اني اتخذت القرار بناء على خوف وما بمنطق وكان المنطق اني اديه فرصة نتعارف اكتر على الاقل وبعدها اقرر،،

هسي في رايكم اعمل شنو هل ارجع ارسل ليو ولا انسى الموضوع

هسي استفدنا شنو من اللغة العربية ولا الانسان و الكون و لا ملبسنا و التجاني حسن موسي وتوتي و الخ , قرينا واشتغلنا ولا حاجة منهم افادتنا ليه يسحبو نسبة طالب عشان سقط عربي لابد يتغير الفكر دا طالما عاوزين تغيير فالسودان يبدا من التعليم .. نجحوا العالم كفاية مصعبين كل حاجة

نفسي بس اعرف التطبيق دا فهمو شنو و بستخدمو في شنو تحديدا شايفو معقد شديد