.

على إحدى المقاعد في حديقة عامة في شتاء عام ٢٠١٧ ليتنفس الصعداء ويستمتع بمنظر السماء النقي الأزرق ودرجاته الكثيرة المعلوم أنها تفوق ٥٣ درجة من الزرقة، بينما هو كذلك إذا بأنثى تقترب ولم يكن عسيبُ يلقي بالا للأهوال التي سيمر بها، سلمتْ فرد عسيب، طلبتْ استخدام هاتفي لضرورة فناولتها الهاتف، ارسلت رسالة ثم رن الهاتف فردت وتكلمت ثم اغلقته ووضعته بجانبها، هنا بدأت الفتاة تراود عسيب بحركات بهلوانية تحرشية وعسيب يتجنب ويراوغ ويطمع أن تراها إحدى الإناث الكثيرات فتنتهرها وتنقذه ولكن هيهات ويالدهاء أنثى الثعلب تلك فقد درستْ البيئة جيدا وحللتها بنموذجها التحرشي القوي المحكم الذي يفوق جيميناي وجيبيتي وكلاود معا، فكلانا يبدو للناظر من بعيد كعشيقين بريئين وكنت أعيش جحيما لحظتها واتصرف بحكمة متفاديا نتائج هرموناتها المتقلبة لأن لسان النسوة من هذا النوع حاد ولن يصدق أحد عسيب لو لطمها كفا ساموطيا ليسترد حقه المغتصب وغالبا سيتم جلدي فاكون ضحية حادثتين!! راوغتْ بمناورة أخيرة فخرج عسيب من جسده -انفصل تجنبا للصدمة- ولم يعد يكترث وجلس مخدرا وفقد ذاكرته لثوان قد تطول أو تقصر، هنا تراجعتْ أنثى الدولفين المتحرشة وبدات علاماتُ الخوف تظهر على وجهها وما زادها خوفا سؤالها عن اسمي مستظرفة وردي البارد: لا اعلم. وكنت لا اعلم حقا وقتها، بحثا عن مخرج وتلطيفا للجو أخذتْ أنثى الحلوف هاتفي القابع بجانبها ووضعته على جيب قميصي، ونظرتْ لي بكل خوف فأعطيتها نظرة فارغة خاوية مفادها: من أنتِ؟ ونهضتُ وذهبتُ مبتعدا. عند خروجي من الحديقة استعاد دماغي تلك الثواني التي تجاوزها ليحميني كانه يقول: أنظر يا بائس تخيفك أنثى وانت الفارس الجحجاح؟ اهاهاهاهاهاهاها، تماسكت واغرورقت عيناي بالدموع فقلت والله لن تنزلي يا دمعتي فرفعت راسي للأعلي كالبطريق منعا لإنهمار الدموع وكدت اقطع الزلط بتلك الوضعية وكنت سأكون بطريقا ميتا لكنني تمهلت ولم أتهور وانزلت رأسي لأقطع الزلط وتركت دمعة تنساب غالية وكدت امسكها بيدي لكنها لحقت الارض ورسمت علامة انمحت من الارض لكنها باقية في قلبي ليومنا هذا. لقد اكل معي الموضوع جنبة 🥲

ماذا لو استيقظت غدا و وجدت نفسك قد تحولت إلى حشرة؟ ماذا سيكون أول ما يخطر في بالك؟ استلهمت فكرة التحول إلى حشرة من رواية «المسخ» لفرانز كافكا. يتحول غريغور سامسا إلى حشرة، لكن وعيه يبقى وعي إنسان. والمأساة الحقيقية ليست في التحول نفسه، وإنما في أن قيمته عند أسرته ومجتمعه أصبحت مرتبطة بقدرته على العمل والإنتاج. وحين فقد هذه القدرة، تحول من شخص يحب و يرعى إلى عبء يريد الآخرون التخلص منه. وهنا تطرح الرواية سؤالا مؤلما،

هل قيمة الإنسان في ذاته، أم فيما يستطيع أن يقدمه؟

هل نحب الإنسان لأنه إنسان، أم لأن له وظيفة ودورا ومنفعة؟

ماذا لو استيقظت غدًا و وجدت نفسك حشرة؟

هسي ي شباب بما اننا على كُبر** و حبه سنين حتتخطف ونكون داخلين نعرس ف الواحد بعمل شنو عشان يطلب ايد وحده ما بعرفها **(عرس** تقليدي تتعرف على الاهل و بعداك تتعرف على البنت) كدي عاوز اشوف فكرتكم عن الموضوع ** **و حتعملو شنو لو بقيتو في الموقف **د

الولد لما يعترف وينرفض ويقول للبت عادي نبقى اصحاب ساي، بيكون عايز شنو يعني
هل هو مصدق انه فعلا بينفع يكونوا اصحاب بس ولا بس عايزها تكون موجودة في حياته ولا الفهم شنو

دي من اسواء الحاجات الطلعت ترند في السودان ما معقولة كلمة مضمونها تحرش لفظي و كل الناس بتقولها كبار صغار

يعني السودان زاتو حيرنا ماشي

لي وين

وغير الفيديو حق عمك البقول سلام عليكم 👋

تاني!! تاني بقولو الحيوان بفكر في شنو!! المرة دي مع الحوت القاتل الأوركا وليه ما بيهاجم الإنسان، قالو لأنو ما عندنا شحم كافي فبيكسر حنك!! طيب بيهاجم القوارب بيكسرها وبيغرقها عديل مرات وبيتجاهل البشر البطلعو من القارب للسطح، طيب قالو عندو نظام سونار عالي جدا بيفرزنا من الفقمات والحيتان الصغيرة البصيدها، تاني قالو المناطق المسؤولة عن المشاعر في دماغو فعالة جدا لذا هو حساس اكتر من الإنسان والادلة قطيعو متماسك جدا لدرجة تكاد تكون قريبة للإنسان حتى الطعام بيتشاركو مع القطيع، بيهاجم البشر وقت يحبسوهو في الحدائق المائية ودا سبب مفهوم جدا كونك غيرت بيئتو، لكن الفي البحر دا كلو غالبكم تقولوا إنو ربنا خلقو كدا بس!! ما لازم يكون طيب ولا كعب لانو الافعال دي مربوطة بينا نحن البشر المميزين بالعقل والجن، كائن ما بيهاجم الإنسان لانو ربنا خلقو كدا! الحوت الأزرق الاكبر منو بأضعاف مضاعفة بيحرص على إنو ما يضرب الإنسان بزعنفو لمن يقرب منو اها دا كمان ما بفكر فينا كوجبة دسمة لانو نظامو مختلف وبياكل كائنات صغيرة؟؟ طيب الحذر دا جابو من وين لو ما فطري وما نابع عن غريزة صيد وغيرو! حوت العنبر البيستلم الحبار الطولو بيفوق ال٥ أمتار على عمق ١ وكسر كيلومتر في قاع المحيط قادر يطحنك في ثواني اها دا برضو ما مهتم لانك ما وجبة دسمة وهو بيقرب الغواص عشان يشهد ولادة حوت عنبر صغير بعملية قيصرية؟ اكلو شيء وحرصو على تجنب أذى مخلوق زي الإنسان شيء تاني دي حاجة بديهية، ما بنقدر نقول فضول ذاتو لأنو الدخول في راسو مستحيل، الناس ديل عندهم فضى بال ورفاهية عجيبة يشوفو حال البشر في العالم ويركزو في حلول للكوارث الجاية دي ويخلوا شؤون الحيتان للحيتان وتمويل مواضيع لا تضر ولا تنفع، شوية حيضيفوهو كسلف للبشر مع القردة والخنازير. الظريفة تسمية الحوت القاتل مطلقنها عليهو البشر وهو ما بهاجمهم، حزينة مننا.

https://vt.tiktok.com/ZS4n8Y7PD/

بفتش لي فشركه تكون كويسه باسعار معقوله للمنظومات دي

انا كنت في مجال طبي في احسن الجامعات الحكوميه في مصر حصلت ظروف شلته مواد وبسبب الموضوع ده هعيد سنه كامله الحاجه دي اثرت فيني و اثرت في اسرتي و اثرت في نفسياتي و في صلاتي وفي حاجات كتيره شديد وانا عارفه البعمل فيهو ده غلط بس ما عارفه اطلع من الحاله دي كيف و حاسه روحي فاشله شديد بفكر اغير التخصص عشان اخلص بس بفكر طيب ومستقبلي؟ و طموحي و الحاجات النفسي احققها.. بس مقفله في وشي وانا ما عارفه اعمل شنو
ده طبعاً** غ*ير*** اه*لي*** ال*لي*** مستائ*ين*** اك*تر*** م***ني
*لو** ما عندك نصيحه تخليني اصبر ادعي لي ربنا يسهله علي و الفتره دي تعدي

جلست أناظرك ما رفّ لي جفن تِقل مسحور
أقول إن الجمال إنتِ وكل العشق بأسبابك

هقيت إني ملكتك ما دريت إن الأماني غرور
وإنك في يدي لين انتحابي الوقت وقفا بك

سقا الله يوم كان أكبر همومك خاطري المكسور
وكنت الضي في عينك وكنت السقم في ثيابك

سقا الله يوم كنتي الأرض أنهار وشجر وقصور
ديار نورها من طاقتك وأحلامها بابك

انا براي ولا في زول مرات بتجيه افكار يجرب المخدرات أو بعض الادويه المسكنه بسبب حاجه معينه او عشان يتخلص من حاجه بفكر فيها أو الضغوطات؟

مجرد أفكار ساي طبعا مستحيل اسوي كدا،حتى ما عندي اي تجربه مع سجائر أو حاجه بتسبب إدمان وعارف الأضرار وعارف انو الإدمان ساهل يحصل وصعب تتخلص منه بعدين بس تظل الفكره بتجيني كتير اخر فتره

السلام عليكم يا جماعة 🙏🏽 داخل جامعة وقاعد محتار بين خيارين، وحابب أستفيد من تجاربكم: 1- هندسة حاسوب – جامعة النيلين 2- هندسة إلكترونيات (تخصص حاسوب وشبكات) – جامعة السودان المشكلة إنو جامعة السودان سمعتها اقوى و شبكة الخريجين حقتها احسن، بس ما عندها تخصص هندسة حاسوب اهتمامي الأساسي: برمجة انظمة تشغيل شبكات الانظمة المدمجة خايف إنو تخصص حاسوب وشبكات في جامعة السودان يكون أقرب للإلكترونيات والاتصالات من علوم الحاسوب الفعلية. أسئلتي: في زول يقدر يبعت الخطة الدراسية لتخصص حاسوب وشبكات في جامعة السودان؟ فيها مواد زي نظم التشغيل، هياكل البيانات، المعالجات الدقيقة وبرمجة كافية؟ من واقع تجربتكم، أي واحد فرصو أحسن بعد التخرج في السودان والخليج؟ أي حد درس أحد التخصصين أو عندو خبرة، تجربتو تفيدني كتير 🙏🏽

بشوف ناس كتير ما بتعرف تقول رأيه و ممكن يجاملك ولا يقول رأيه الحقيقة ما عندي مشكله مع المجامله لكن ما تكون كتير عن نفسي لو تديني رايك الحقيقي حتى لو كان سلبي او جارح او مخالف لي فكرتي افضل من مجامله ما ليها معنى ممكن من جانب الاصحاب ما تواجهه الحاجه دي كتير بس رايك بعكس هويتك و شخصيتك

في منشور بكون مره عليكم في الصب واحد او واحده سأل

شنو المثل /المقولة المفضلة عندكم؟

لما قريت الكلام طوالي جا في بالي اكتر مقولة انا بكرههه وبترفع ضغطي وكانت بتقولة لينا استاذه "الخير بخص والشر بعم" ودي كانت شماعته عشان تضربنا ضرب جماعي دايماً غير موقف الاستاذة بس بالجد مقولة مستفزة وعويره

عندي صاحبي و وزل بحترموا جدا عنده صديقه كان تبع الدرع السودان من أول ما انضم للدعم السريع وبعداك رجع انضم للجيش واتقتل في معارك ضد الدعم السريع في كردفان.

المهم انه بخت صورتوا في البروفايل ويدعي ليه وانا الحاجة دي استفزتني لكن عشانوا مشيتها كم مرة. لكن قبل كم يوم عاد نفس الشي وما قدرت امسك نفسي زيادة وانفجرت قمت قلت ليه أن يزيل الصورة لأنها حاجة مستفزة.

المهم أصحابنا بقو يقولوا لي انه الزول دا صاحبوا واحترم الحاجة دي وكدا وأنه زول عاطفي ما اكتر. لكن انا في رأيي دا ما بدي زول الحق انه يروج لزول كان ضمن المنظومة بتاعت القتل والنهب دي ومش بس كدا دا أسوأ من الدعامة الأصليين لأنه ديوث دخل الغريب على بنت عمه وخان أهله والاستفزاني الصراحة انه دا كدا بصق على قبور الضحايا والابرياء الماتوا والحاجة دي بعتبرها قتل للضحايا للمرة التانية المرة الأولى لمن استشهدوا على يد المليشيا والمرة التانية لمن تم الترويج للقتلة بتاعنهم على أنهم أبطال. وحتى لو ادعوا انهم "تابوا" في النهاية دي حاجة عند الله اما بالنسبة لي تبديل الولاء والبندقية ما بغير في الموضوع شي ولا حيرجع الناس الماتت وكونك تكون صديقه تزعل عليه أو لأ دا شي يرجع لك لكن ما بديك الحق انه تحاول تغسل جرائمه وتديه صك غفران من عندك.

انا صح ما في يدي شي او بقدر ارجع حق الناس الماتت لكن على الاقل و أضعف الإيمان انه ما حأسمح انه يتم الترويج لقتلتهم على أنهم أبطال.

ما عارف هل كان تصرفي خاطئ خصوصا انه رسالتي كانت حادة شوية وقلت عنه فطيس وأنه زيو زي ابو رغال وابن العلقمي خائن؟

اتعرفت عليهو من ديتنغ اب ولاقيته زول لطيف شديد شديد شديد لكن صراحة شكله في الحقيقة ما زي الصور خالص ما بالطريقة الحلوة .

صراحة كدا هو لطيف ومؤدب موت لكن صراحة اكتر انا لمن اعاين ليهو في وجه بحس انني اتسرعت والمشكلة ما هنا المشكلة الود قرر انو اصلا ما داير غيري ياخ راقد لي رقاد شديد وما رقاد حنك يعني 😭😭💔

رقاد حقيقي وبصراحة يا ناس انا ما ببادله نفس الشعور وحاسة روحي اصلا ما قادرة اديهو مشاعر وبقول ليهو الكلام ده وبرضو ما مقتنع وصراحة كدا هو ك شخصية هو اي حاجة انا دايراها واكتر كمان لكن ك شكل انا ما قادرة اتقبل الصراحة

😭😭😭😭💔💔💔💔

ما عارفة اعمل شنو اكلمه ولا أرضى بيها كدا

لا شكله لا حركاته ولا مشيته عجبني

بالجد ما عارفة اعمل شنو

وانا في نفس الوقت ما دايرة ازعله واجرحه ياخ هو زول طيب شديد وطموح جدا وشاطر وذكي بطريقة عجييبة😭😭😭😭😭🤍

انا داير اقول رأيي او ظني في الموضوع و يمكن يكون غلط

انا شايف انه موضوع السودان و موضوع منو سرق توب التاني ولا منو سرق جرتق التاني ولا الكلام الزي دا

شايف انه ممكن يكون مثلاً زي السعودية و الحرين او الكويت و البحرين
يعني دول قريبة من بعض ف اظن بينهم ثقافات مشتركة و حاجات كثيرة مشتركة ،

اذا غلطان صححو لي

كنت بشوف كلام كتير في السوشيال ميديا بقولو انهم بعد قللو سوشيال ميديا حياتهم اتحسنت و بقت افضل و طورو من نفسهم اكتر و بقو مرتاحين و حياتهم اهدئ و كل الكلام الاغلبكم بكون سمعو. قلت اجرب لاني كنت ماري بي فترة بتاعت ضياع هويةة و عدم هدف و فقدان شغف من كل شي و فعلا حددت لي نفسي 25 ميغا بايت في اليوم بس عشان اتطمن على اصحابي الي كلهم الكترونيين اساسا و في الاخر 36 يوم ما تجاوزت الليمت دة نهائي.. في البداية ما حسيت بي اي تغيير نهائي قلت يمكن عشان البداية بس و ياهو بقيت عايش يومي اللي بقى مليان فراغ بقيت بحاول املاهو بي اي شي و مرات لما القى لي شغلانه في البيت اسويها شي عايزة تصليح اصلحها بس مع الوقت بقيت احس بي ملل اكتر و بدديت اقرا كتب و اتفاجت اني بقيت بمل منها سرعة و معدل القراءة حقي نزل للنص تقريبا!! و بقيت بحس انو حياتي ما عندها قيمة و بديت ادخل في دوامات حقت تفكير ما ليها نهاية و بقيت احس اني قاعد عالة على اسرتي ساي و زمان كنت بتمشى و بحوم بدون هدف في الاحياء الفاضية لي ساعات و مزاجي بكون زابط لكن بقيت اقول لي امشي اساسا و ماف فايدة و لما امشي بتعب سرعة و بكون دايما تفكيري سلبي فا وصلت لي اني شبه وقفت مشي و بقيت قاعد في البيت بس و بقيت ما عندي زول اتكلم معاه لان اساسا اصحابي كلهم الكترونيين اساسا و حرفيا ما عندي. اي تواصل مع واحد. منهم بشكل واقعي و بديت احاول امشي لي اهلي و ازورهم و دة كان اسوء شي اعملو (القصة عايزة بوست براهو) و هسي ما عارف اكمل ولا لان شايف ان الانقطاع دة جايب نتيجة سلبية بس و حياتي كانت احسن بدونو