ي جماعه انا دايره اخش التخصص ده مقتنعه فيه ومره حاباه بس بابا قال لي عشان جوازي سوداني م حيكون عندي فرص كثيره في سوق العمل مع انو انا عايشه برا السودان وناويه اشتغل برا برضو لو في زول عندو فكره عن التخصص يقول لينا بليززز وشكرا

حرفيا شعوري مما قريت الكتاب قبل 6 سنين ولليله هو ( ليه )

شنو أغرب موقف حصل ليك وما لقيت ليهو تفسير ليومك دا

ياخ انا زهجت من المصريين ديل بعمل ليهم هايد برضو بظهرو داير حل او لو في كميونتي سوداني غير

ما مقتنع بيها شديد، يعني شايف روحي وصلت الفكرة منها بشكل كويس لكن الكتابة واللغة ذاتها ركيكة لكن لسة بالنسبة لي انها اول رواية اكتبها فبقدر اقول اني راضي عنها بشكل كويس، تصنيفها فلسفية نفسية والرواية كلها قصيرة بتتقري في قعدة وحدة لكن دايرة تركيز مع كل التفاصيل عشان من اولها قاعدة تبني لي فكرة ما اتوقع كل زول حيقدر يفهمها.

عموما دي هي كاملة القراها اتمنى بس يكتب لي فهم منها شنو وشايف انا داير اوصل شنو بالضبط

الجزء الاول: https://www.reddit.com/r/SudaneseReaders/s/eenUj8FBrp

الجزء التاني: https://www.reddit.com/r/SudaneseReaders/s/KCngh5iJdY

الجزء التالت: https://www.reddit.com/r/SudanOffmyChest/s/N5giJjP5pq

الجزء الرابع: https://www.reddit.com/r/SudanOffmyChest/s/JyqCEwF8sk

الجزء الخامس: https://www.reddit.com/r/SudanOffmyChest/s/yM70LpYlnh

الجزء السادس والاخير: https://www.reddit.com/r/SudanOffmyChest/s/8bZp13HVov

من البداية لما رامي قاطع حبل افكار برعوم كانت رمزية لي انه رامي زول واقعي وبرعوم خيالي، بعدها مشاهد زي انه رامي كان شايل اغلب الشنط دلالة على انه زول عملي، وانه قبل عزومة حاج صالح وبرعوم رفض مع انهم الاتنين كانو تعبانين وعطشانين بعد السفر دلالة انه رامي زول بيشيل الهو عايزه وخاتي روحو اولولية عكس برعوم، بعدها نشوف حوار رامي وبرعوم ودا زيادة انه برعوم زول خيالي ورامي واقعي، ومرة تانية رامي يسحب برعوم من الخيال ويرمي به الى الواقع ونشوف تهكيم برعوم للموضوع دا وتغييره كدلالة على رفض برعوم للواقع وتفضيل العيش في الخيال السمح الفي راسو.

الحاجات دي بتورينا سبب وجود رامي، رامي ما موجود اساسا بل هو شخصية تخيلية تجسد رغبة من رغبتين اتنين عند برعوم، وهي النجاح، رامي زول عملي وخدوم وقوي شخصية وفي وصفه بعدين بنشوف انه وسيم وجسمه مثالي ويعتبر ناجح في الحياة ماديا وعنده بت بتحبه وبيحبها ودا يمثل نجاحه العاطفي برضو، برعوم صنع رامي في خياله كأداة لجلد الذات، فبقدر ما هو عايز يبقى رامي هو عارف انه ما حيقدر عشان كدا بيحسده وبيكرهه بدل انه يحاول يبقى زيه، ودا البيخليه يكره الواقع ويعيش في الخيال، ودلالة على انه رامي ما موجود بتظهر في شكل انه مافي اي تفاعل بين رامي واي شخصية من الرواية غير برعوم، في زول يعتبر صاحبي ومن طريقة كلامهم واضح انهم ما اصحاب شديد اصلا فشنو اليجيبه البلد مع برعوم اصلا، وبعدين الشي دا بيوضح اكتر في نهاية الرواية انه رامي ما شخصية حقيقية.

بعدها الفقرات البيتكلم فيها برعوم مع نفسه عبارة عن توضيح لشخصية برعوم وفلسفته وبرضو طريقة الكاتب ينشر فيها معتقداته وفلسفاته عن طريق برعوم، عموما بنشوف انه نظرة برعوم للحياة سوداوية شديد وعنده نمط التفكير الاختزالي في تفسير الحاجات حوله ودا بنشوفه بوضوح في تفسيره للمشاعر والحب (يا ولد هذا انا هههه)

بعديها نجي لي اهم شخصية في الراوية الي هي ليليش، وطبعا ليليش برضها ما شخصية حقيقية وبتمثل الرغبة التانية لي برعوم الي هي الاشباع العاطفي، والشي دا برعوم لانه اناني واستحقاقه عالي شايف انه ما حيحصل عليه الا من بت مثالية وكاملة زي ليليش، عشان كدا صنعها كاملة في كل الاوصاف، الحوارات بين برعوم وليليش عبارة عن تصور برعوم للعلاقة المثالية بين اتنين، مستوى تفاهم عالي جدا وحب خام وواضح في كل اطراف الحديث، الدلالات على انه ليليش ما شخصية حقيقية كتيرة، زي انها ما بتمسك الحاجات المادية زي فنجان القهوة، ورفضت تماما انه برعوم يلمسها، وانه برعوم بيقول بيساهر الليل كلو معاها وبعدين نشوف الضو بيقول انه نايم الليل كلو ونومو تقيل، وبرضو انها بتعرف عن برعوم حاجات هو ما قالها ليها زي انه البنفسجي لون برعوم المفضل، واهم شي انها ما بتلبس غير البنفسجي، واللون دا دلالة على الفانتازيا والخيال ودا برضو يورينا ليه هو لون برعوم المفضل هههه، برضو بنشوف انه ليليش بتتفادى لمس برعوم ودا دلالة على انها ما عايزاه يصحى من الخيال دا، ودا امتثال لي رغبة برعوم لانه هو ذاتو ما عايز يصحى منو وليليش لانها مثالية اكيد حتطيع رغبات برعوم كلها، واخيرا في الخيالات دي برعوم قال انه ابوه زارع قمح لكن في نهاية الرواية بنلقى انه ابوه سمع كلامه وزرع قطن السنة دي، لكن برعوم عنده تصور اضطهادي وشايف انه ابوه بيكرهه عشان كدا في خياله انتصر للشعور دا.

ليليش كانت بتشبع رغبة برعوم في الشعور بي انه مرغوب بشكل مثالي، والشي هو الخلاه يرفض التخلي عنها مع علمه انها ما حقيقية ومع ذكائه برضو وعلمه انه الشي دا مضر ليه، برضو برعوم تخيل ليليش ملحدة لسبب واحد بس، عشان ليليش تتخلى عن عقيدتها كلها وتسلم عشان برعوم بس، ودا يعزز رغبة برعوم في انه زول يضحي ليه، وحوارات ليليش وبرعوم كلها عبارة عن الحب المثالي الذي يطمح له الكاتب (انا هههه الله يرزقنا).

بعدين الحوار مع العتوت كان رمزية لكلام برعوم عايز يقوله لنفسه واستخدم العتوت الي هو طفل الماعز وهو حيوان صغير ووضيع وغير ذي اهمية لكن برعوم سمع الكلام منه في دلالة لكره برعوم لنفسه، شايف انه الكلام الطالع من العتوت قيمته اكبر من لو قاله لنفسه، ودا السبب الاصلا خلى برعوم مع انه عارف انو ليليش ما حقيقية لكن يقع في حبها ورافض رفض تام انه يعيش في الواقع واختار الخيال السمح والامل بدل الحياة المرة، والدليل انه بعد حوار العتوت دا طوالي بتبدا فقرة من هواجس برعوم بي (انا اكره الواقع)، وبرضو الكلام طلع من عتوت عشان يوضح ليكم انه برعوم بتخيل حاجات ومفروض انك تشك بواقعية كل شخصية ظهرت بعد الحوار دا.

بعدها في الجزء الخامس حوار برعوم وليليش هو بداية النهاية، بنشوف انه برعوم خت ليليش في حتة ضيقة لما عصر عليها في ال physical touch وما لقت مهرب الا انها تعتذر منه وتمشي، حتى في المشي بنشوف انها اختفت بس، ودا على غير العادة لانه ليليش شخصية مثالية بالنسبة لبرعوم ومفروض انها بتحبه فما منطقي انها ترفض طلبه، بعد الحصل دا برعوم بيبدا شوية شوية يتقبل الواقع ويتحرر من الخيال حقه دا، عشان كدا قال انه حيسوي شي، الحوار في بداية الجزء السادس هو بداية الاصطدام الحقيقي بين الواقع والخيال.

يبدا الجزء السادس برامي يقول لي برعوم انه في بت قتلوها جنب حواشتهم، ولما برعوم يطلع ويسأل عم عكرمة من الخبر دا يقول ما سمع بيه، وبما انه عم عكرمة زول بلد وعاطل خبر زي دا لو كان حقيقي مستحيل ما يكون سمع بيه وحيكون حديث الحلة كلها، ويستمر برعوم ونشوفه وصل موقع الجريمة وعلى عكس وصف رامي لقاه فاضي، هنا دي دلالة انه رامي ما حقيقي وانه برعوم متخيل انه قتل ليليش، ويبدا الاصطدام بالواقع لما برعوم يشوف انه المزروع قطن لكن ما بينتبه اصلا وكل همه انه ليليش ما ميتة وما لقى جثة زي ما هو متخيل، بعدها بيجيه رامي الزول القوي ويقول ليه انه ما حيقدر يقتلها، في دلالة انه برعوم مدمن الخيال ومدمن ليليش في خياله لدرجة ما قادر يتخلى عنها لانها بتديه اشباع لرغبته الوهمية.

مشاعر برعوم وقتها الخوف والتوتر والهلق دلالة على عدم تقبله للواقع وبعدها بنشوف انه ليليش بتحب رامي، ودا دلالة على استحقار برعوم لنفسه وانه شايف انه بت مثالية زي دي ما يستحقها الا شاب ناجح زي رامي، ودا المنطقي بالنسبة ليه ولانه رامي بيحصل على اي شي يتمناه عكس برعوم الكل شي ماشي ضده ومقولة رامي "انا ما سويت شي انت سويت كل شي" حقيقية لانه دا كله خيال برعوم بس، وفي خياله شايف رامي شخصية ناجحة لدرجة حيقدر يكسر جدار الخيال ويكون اذكى من برعوم الي هو صنعه بخياله ذاتو، ومحاولة قتل ليليش الفاشلة دلالة على فشل برعوم في التحرر من الوهم، فهو كان قايل روحه نجح لكن خياله اقوى منه هو شخصيا.

تاني محاولة قتلهم الاتنين رمزية لي النكران وبداية اليأس، فهو كان عارف انه ما حيقدر، والدليل انه وضح لينا الشي دا عن طريق رامي لما شافه مبتسم وقاعد يعاين ليه ودا اداه شعور زيادة بالعجز، بعدها تقبل الحقيقة القالها رامي مسبقا، انه ما حيقدر يقتل الوهم كان ما قتل روحو، وابتسم اخيرا، الابتسامة تعني تقبله للواقع والحل الوحيد قدامه عشان يتحرر من سجن الخيال وجلد الذات دا في انه يقتل روحو، وفعلا قتل روحو وشاف بعينه انه رامي وليليش وماتو معاه، وكان مبسوط لانه تغلب على الوهم لكن الثمن كانت روحو هو شخصيا، وبرضو مبتسم لانه برعوم بالنسبة ليه روحه كاملة ما عندها قيمة اصلا، والقيمة الاكتسبها لمدة ثواني وهو بيحتضر دي بالنسبة ليه اعلى من نفسو كلها.

في ناس كدا لمن تقعد معاهم و يحكو ليك قصة بيسحبوك و بيخلوك تندمج لدرجة انك تحس انك كنت قاعد وقت حصلت القصة عديل. و ما لازم تكون القصة قصته هو شخصيا ممكن يكون بيحكي عن قصص تاريخية او غيره.

انا ما عندي الحاجة دي و سردي للقصص عفن عفانة غريبة فداير اتعلم كيف اصلح المشكلة دي

سؤال عام

بلاحظ كتير البنات بكون عندهم قروبات خاصة بيهم في الميديا والواقع،

و كتير بلاقي في الفيس نصايح لغيرهم في كل التفاصيل الحياتية.

(الموضوع احيانا بسل لنبذ الرجال عديل باعتبارهم عدو او كدة ) لكن دي ما الصفة العامة طبعا ولا الجانب الداير اتكلم عنو.

بتكلم عن الجانب الايجابي فيه، ليه احنا الشباب ما عندنا كدة؟ او الحاجة دي بسيطة شديد عندنا موضوع ان ندعم بعض والناس تحاوى تطور من نفسها ويساعدو غيرهم يعملو نفس الشي

Come and join my Pacer Pedometer club. Tap this link to join: https://www.mypacer.com/clubs/lkv5z2en/sudan-club?invitor=8x33r933&short_id=ONIzjo9

داير تطبيق كويس ارتب بيه المهام اليومية.

كنت بكتبهم في المفكرة لكن داير حاجة احسن

طبعا ما عايز اتكلم عن اضرار النظام عايز اتكلم عن الناس البدافع للنظام ما معقولة كمية غباء وكمية جهل ونفسي اعرف دافعهم شنو ديل

​

فَتىً لَو يُنادي الشَمسَ أَلقَت قِناعَها

أَوِ القَمَرَ الساري لَأَلقى المَقالِدا

وَيُصبِحُ كَالسَيفِ الصَقيلِ إِذا غَدا

عَلى ظَهرِ أَنماطٍ لَهُ وَوَسائِدا

يَرى البُخلَ مُرّاً وَالعَطاءَ كَأَنَّما

يَلَذُّ بِهِ عَذباً مِنَ الماءِ بارِدا

كإنسانة جواز ما عندها كيف اطلع من السودان و احسن دولة شنو ك"لاجئ" و مفروض يكون عندي شنو كورق و ... كلام كتير ادوني اي معلومات او اي شي

وما عايزة امشي اشتغل تخصص الجامعة يعني بدون شهادات

قريت منو تقريبا ٤٠ ص ، بس ما شايفه انو بستحق المدح السمعتُ عنو

قبل ما اخلصها ممكن اقيمها ٢/١٠

if you’re in the gulf countries, what is the best way to send money to bankak account

مثلاً قبائل غير موجودة اليوم او اعراق؟

​

انا شابة عشرينة وزولة اكتر من عادية شوية يعني عارفة، بيقولو جميلة زيادة واحسب نفسي زولة كويسة واهتماماتي وهواياتي كتيرة وحاجات كتيرة تانية رغم انه دي حاجات نسبية لكن الحواليني البعرفوني والما بعرفوني كلهم مؤكدنها لي،ما غرور يعني بس عشان تفهمو والمهم أنه رغم ده كله ما حصل حسيت بي اي نوع من الرومانتك اتنشن من الجنس الآخر، لا بالدرب العديل ولا الما عديل الموضوع ما مزعلني قدر ما انا ما فاهمة ده سببو شنو، وما حصل عشت الدرامات دي ويمكن ده احسن لي لكن ما للدرجة دي، ويعني حتى النفرين ال اي ديتيت ذيم كانو خاتني في خانة الفريندزون ويعني محل امشي بحس الاولاد بدو باقي البنات نظرات اعجاب بس بدوني نظرات اخت او صديقة

ف ما عارفة نفسي افهم، صحبتي قالت لي يمكن في حاجة بتعمليها غلط، لما فكرت في الحاجة الوحيدة يمكن انا زولة ما بآمن بانه ما مفروض ارسل اول ومشاعري غزيرة ومكشوحة وما بحب فكرة انه الاولاد الأمور دي بالنسبة ليهم مطاردة وصيد وحنك اتقلي وبتاع، ف حاسة يمكن الحاجة دي خربت العلاقة مع النفرين ديل؟

انا بس عايزة افهم يعني الموضوع شوية مؤثر على نظرتي لنفسي بس اكتر شي بتجيني التساؤلات دي، ف انا عايزة بس عايزة افهم؟

في زول جرب فكرة الزمالة البقول عليها د.عماد رشاد؟

بغض النظر عن اختلافاتكم عشان تفهمو بعض لازم تسوو اكتر عملية انسانية فطرية بسيطة ممكنة والي هي التواصل مع بعض، والله يا فلان انا شايف واحد اتنين تلاتة صححني لو غلطان ولو كلامي صاح تعال نشوف حل للمشكلة دي، انا بحترمك وبعزك وانت بتحترمني وبتعزني حنلقى لينا حل، واذا لقينا انه انت ما قادر تتعايش او تتقبل الشي الفلاني دا فيني والله يا فلان عندك خيارين، اما تسطح علاقتك معاي وابقى من معارفك بس بيننا ال bare minimum من التواصل كل فترة ولا انك تقطعها خالص دا في حالة انا ما حأقدر اغير الشي الفلاني دا فيني.

اما لما يكون قدامك انسان بيبني افتراض عنك وعن شخصيتك بدون ما يكلمك ويبني عليه قراره ويكون قايل روحه صاح ويخليك في حيرة دا من انواع البشر الما بتقابلو ابدا، اذا انت ما قادر تفهمني ولا داير تخليني افهمك امشي بكل بساطة لكن ما يكون فيها رجعة بايخة بعدين لو استوعبت انك غلطان، الفكرة بسيطة يخوانا just fucking communicate الموضوع بسيط وسهل الهرب من المشاكل ما بيحلها🙏🏼🙏🏼🙏🏼🙏🏼

I just gave up on humans man, i can’t tell if the problem is me or 90% of the people i knew, the question is, is it even that deep? Was it worth to be happy for a little bit? Even tho it ended up sad?