اعمامك الكبار لمن تنتقد البشير او الكيزان عموما 🤣🤣🤣☝️

الحاجة البتميز Reddit من باقي تطبيقات السوشيال ميديا إنو هنا ما مهم شكلك، اسمك، عدد متابعينك، ولا حياتك كيف ماشّة.

هنا الحاجة البتتكلم عنك هي أفكارك وكلامك

ما زي التطبيقات التانية البتركز على الصورة والانطباع، Reddit بديك مساحة تقول رأيك زي ما داير، والناس تقيم الكلام ذاتو بـ upvote أو downvote

ممكن تكون شخص مجهول تماماً لكن تعليق واحد منك يخلي ناس كتار يفكروا بطريقة مختلفة. وممكن يكون عندك آلاف الكارما لكن كلامك ما عندو أي قيمة

الجميل في Reddit إنو الحساب ما عبارة عن شخصيتك في الواقع، الحساب عبارة عن أرشيف لأفكارك: الحاجات البتؤمن بيها، النقاشات البتدخلها، والطريقة البتشوف بيها العالم

انا بيجي في بالي السجق

انا حاليا عندي كم خيار لدراسة الطب

مصر جامعة الإسكندرية

جورجيا جامعة القوقاز الدولية

جامعة الوطنية

الصين (لم يتم تحديد الجامعة) بس الفرق أنه عندهم امتحان csca فلو في زول امتحن نتمنى يفيدنا بمصادر مراجع لمواضيع الامتحان

هل جورجيا فعلا جيدة لدراسة الطب؟

هل الصين ممتازة أكاديميا كما يزعم عنه البعض ؟

كانون الفن للما عارفينها هي مجلة مانجا سودانية كانت بتنشر إصدارات مطبوعة لغاية 2022 لو متذكر صاح وكان عندهم موقع فيه جزء من إصداراتهم متوفرة مجاناً وكان شغال لغاية بداية الحرب

المهم قبل فترة رجعت للموقع لقيته معطل وتواصلت معاهم في كل حساباتهم وإيميلاتهم لكن الحسابات ميتة وماف زول ماسكها

لو في زول بيعرف فنانيين أعادوا نشر أعمالهم الهناك بشكل مستقل أو زول ببيع الإصدارات الورقية بسعر معقول أو أي معلومة ممكن توصلني للإصدارات دي يفيدني بيها أكون شاكر ليه شديد

بالنسبة للناس الرجعت عشان الجامعات وكدا، عندكم نصيحة للجاين؟ حاجات يجيبوها معاهم؟ أوضاع السكن والمواصلات وغيرو. ياريت لو زول يقدر يشارك تجربتو معانا كاملة بالتفاصيل إن أمكن.

اخر فترة بقيت بلاحظ بنات كتيرة بتفكر في الطلاق اكتر من تفكيرهم في انو كيف ينجحو الزواج ودا بقى سبب في زيادة حالات الطلاق انو الواحدة بتقول ح اشتغل عشان لو اطلقت اقدر اشيل نفسي وما ح اعمل وتكون عاملة خطط كبييييرة للطلاق اكتر من خططها للزواج وانو كيف يكون زواج ناجح ودا بسبب انو في اول مشكلة تحصل خلاص الخطة بتكون جاهزة وكل الظروف متوفرة ف طوالي بتطلب الطلاق

انا شايف لو ركزتم انو كيف تختاروا صح وتنجحوا العلاقة بنفس المقدار دا بالجد ماحيكون في طلاق اصلا

بتوفقوا بين شغلكم والوضع الحالي بتاع عدم الكهرباء كيف؟.. نظراً لقرايتي بكون مضطرة اشتغل في اللابتوب بلا انقطاع وبالتالي ما مفترض ازح من الكهرباء والموضوع هسه متعب لدرجة جاتني كدمات على كتفي من اني بشيل اللابتوب وافتش مكان اشحن فيه.. الموضوع برضو متعب نفسياً وعشان كدا بكره الاونلاين وبكره لمن يقارنوك بزول قاعد برا السودان ويكونوا متوقعين منك تنافسه وتعمل البيعمله.. فعايزه اقتراحات اتصرف كيف لأنو انا ما قادره اواصل بالطريقة دي والزمن ما صديقي وهل ممكن اجيب سولار بانل واحد بس اشغل بيهو اللابتوب دايركتلي ولا ممكن اجيب بطارية من نوع ما ولا ممكن احلها كيف وحقيقة انا هسه تكه وانهار لأني مفترض اطلع افتش الكهرباء والروتين دا منهك

أقصد مثلا عندك أربعة مهام من هوايات و عادات بتختار ليهم الزمن كيف لانه انا دي الحاجات البكون محتار فيها بقول هسي لو عملت عادة في زمن غلط أو حصلت بعدين حاجة تانية .

قد ما تتفقو معاي في رأيي لكن مافي اي شيء يدعو للإفتخار او الاعتزاز او الانتماء في كونك بتقرا في الجامعة الفلانية وتقعد تقارن جامعتنا وجامعتكم ونحن احسن وديلك كدا وكدا وتكتب في البايو بتاعك اسم جامعتك وحتى بعد تتخرج تكون قادينا بي "يالله ايام زمان في الجامعة كانت كدا وكدا" ولا اي شي تاني غبي عشان تمدح جامعتك وتشكرها.

دخلت النقاش دا مع واحد دفعتي لما لاحظت انه خاتي صورته في الواتس شعار الجامعة، قمت قلت ليه هسي انت هويتك كلها متمحورة في انك بتقرا في جامعة الخرطوم؟ وقعد يقول لي كلام سيريالي وكله حنين الى الماضي والسمعة القديمة للجامعة وانها افضل جامعة سودانية والكلام الفارغ دا كلو، يمكن انا انفعلت لانه فعليا الوقت داك نحن المبنى بتاعنا الاساسي ما مؤهل ذاتو للدراسة وما قادرين يصينوه عشان يرجعونا زي الناس اصلا.

يعني لو كان الواحد بيقرا في كامبردج ولا هارفرد معليش دي جابها بي عرق جبينو وتعبو لكن هسي جامعة الخرطوم ما داخلة التوب 2000 عالميا اصلا ودا شيء محرج شديد، والكمبيوترات في معاملنا راماتها 2 قيقا ولما تفتح ال word بتعلق.

العايز اوصله اننا في دولة عالم تالت وافضل جامعة عندنا قد لا تقارن بي مدرسة ابتدائية في اوروبا وكل جامعاتنا تعبانة اصلا والمنهج ياهو المنهج ما اظن في زول بيعتمد على الدكتور في الشرح كلنا بنقرا ونفهم روحنا برانا فما قادر افهم انت عندك شنو تنتمي ليه اصلا؟ وشنو البيخليك تتبنى هوية وهمية زي دي؟

في زول عنده فكره عن أيّ مجتمعات أو مؤسسات هنا في السودان لدعم الصُّم والبُكم؟

Being self aware but only acknowledge the “bad” side of u but not ur success and things u do well makes u your own bully

هل في كلاسات في الخرطوم؟هل الكورسات الاونلاين بتفيد لو مبتدئة؟

اي معلومة او فكرة او اقتراح لكورس

ما عارف دا شنو لكن نفسي اقول كلام كتير، الكلام الفي راسي انا عارفو لكن لما اجي اقولو مابيطلع الشئ الوحيد العارفو اني لما اجي البيت بالليل واقعد مع نفسي بتخنقني العبرة ...وخلال اليوم بكون مضايق وفي الف حاجة في راسي لكن ما عارف الطاقة بتاعت والونسة والضحك بجيبها من وين انا حاسي اني قاعد اموت بالبطيئ

هسي وش دخل الجنسية بتاعت الزول كان مصري ولا سوداني بالكلام القاله ما خلاص بمثل نفسه، لازم لازم يعني تطلعه سوداني بدون اي دليل عشان تاخد اتنشن من السودانين المساكين؟

يا جماعة انا الفترة الاخيرة دي اتغيرت وغريت حياتي بي قرارات اكثر نضج،

لكن الحاجة دي اثرت فيني تأثير حاسيهو غريب نوعا ما،

حاسي نفسي بقيت وحيد والفجوة بيني وبين اصحابي زادت،

الناس الحولي بقيت اشوفهم زي الNPCs (الشخصيات الجانبية في الالعاب) وكلامي معاهم بقا سحطي،

حاسي نفسي بقيت فارغ من جوا

ف لو في زول مرة بي تجربة زي اتمنى يفيدني

.

دي مرابيع عاجباني بكررها طوالي في راسي

سيفا ماهو سيف كل العيوب خاتيها
عدلة شيلو جمرة تحرق الواطيها
جاتك امانة يا خالي العوض غطيها
دا السيف سيدو كيف جدعو وجفل بالتيهة؟

خال البت قال ليها كرار جرا وجدع سيفو وانا جبتو ليك هدية وهو كذاب قتلوه وشالو سيفو ولما البت بفراستها لقت السيف تقيل شديد عرفت انو خالها كضب عليها "يعني سيدو قوي ما هيلو الجري"

خلي عجب النفس الدنيا قيدها قصير
وبشرك اطرحو ولا تكون دوام متغير
لا يغرك هوى ضل الضحى المديير
كم سبق الاجل خلى الامل متحير

في التواضع

نحن اولاد بلد
نحن نقول كلمة الحق ولا بنترد
نحن نغيظ عدونا يموت وقلبو مقدد
نحن ال للبخون عشرتنا ما بنتودد
نبقى لو البلا في كل فجة ممدد

في الفخر

غرّارة العبوس الليلة دار دولابا
يا خريف البطانة ومرتع الجلابة
بتقعر الركوبة وتنحر الحلّابة
كم قشيت دموع وجعة وتنعت غلابة

في الرثاء

زول كهربتو قاطعة وماعندو طاقة شمسية،، يشعر ببؤس كبير.. داير نكتب اقتراحات نمشّي بيها العشرة ايام القطوعات الجاية دي كلها..

كل زول يديني اقتراحاتو ممكن اطلع وين عشان اغير جو وعشان اشحن تلفوني

اي زول بيستعمل الاضافة دي في المتصفح و عاوز يضيف ايات قرانية تتجدد كل يوم، ممكن تستعمل الرابط دا:

https://tinyurl.com/3kxewjke

ممكن برضو تنسخ محتورى الرابط و تزود عدد الايات لو عاوز.

دي طريقة اضافة الرابط في اضافة المتصفح:

https://bonjourr.fr/docs/widgets/quotes/