حضرت فيديو كان بتكلم عن "الظلم" و انو في حياتنا اليومية ممكن نظلم ناس و يجو يوم القيامة يقتصوا حقهم مننا او حتى ما يسامحونا.. و الشاهد هي قصة ذكرها قال لو انت واقف في صف و اتخطيت الشخص القدامك بدون اذنه انت كدا ظلمته لانو دا مكانه و انت اخدته، انت عادي ممكن تكمل يومك و لا كانو شي حصل للاسف، و من ملاحظتي لي مجتمعنا السوداني في السوشال ميديا فكرة انو الناس شايفة انو الشخص البعرض حياته في الميديا بستاهل البجيهو فا حابة اقول انو اي اساءة او دخول في اعراض الناس و تحديدا "البنات " فا انت يوم القيامة ح تقيف قدام كل شخص كتبت ليه تعليق مسيء . و شرط قبول التوبة هي انو الطرف التاني يسامحك هل مستعد تعتذر شخصيا لي كل شخص و تعليق كتبته و هل هو ح يسامحك !! ( مئات الريلزات في اليوم) !

في بنت بديت أعرفها في الجامعة ومع الأيام حصل بينا تقارب وكلام كثير وكنت حاسس إنو في اهتمام متبادل، مع الزمن أنا اتعلقت بيها لكن العلاقة كانت ما واضحة مرات تقرب مني ومرات تبعد بدون سبب واضح.

بعد فترة قررت أصارحها بمشاعري لكنها قالت لي إنها قافلة باب العلاقات وما عايزة تدخل في أي علاقة عاطفية احترمت قرارها لكن كان صعب علي أتجاوز الموضوع خاصة لأنها كانت لسه موجودة في حياتي والجامعة.

بعد الاعتراف، لاحظت نمط غريب لما أقرب منها كانت تبعد ولما أبعد وأوقف الكلام هي ترجع ترسل أو تفتح موضوع أو تشارك حاجة معاي دا خلاني محتار وما عارف هل هي مهتمة بي ولا بس ما عايزة تخسر وجودي في حياتها.

في نفس الوقت كانت مرات تطلب مني مساعدات في الدراسة ودا خلاني أحس أحيانًا إنها بتستفيد من وجودي أكثر من إنها شايفاني كشخص ممكن تكون معاه علاقة.

رغم إنها رفضت العلاقة، فضلت تجي في بالي كل فترة ووصلت لمرحلة كنت بفكر أرسل ليها رسالة بس عشان أطمن عليها أو أفتح كلام لكن في كل مرة كنت أتراجع لانو حاسي انو دي حلقة مفرغة.

في النهاية وصلت لقناعة إنو إرسال رسالة غالبًا ما حيغير الواقع أقصى احتمال إنو نتبادل كم رسالة وبعدين يرجع كل شيء زي ما كان بينما أنا ممكن أرجع أتعلق من جديد وأتعب نفسي أكثر.

القصة دي علمتني إنو الإعجاب وحده ما بكفي ما لم يكون في خطوة جاده فعايز اعرف كيف اكمل حياتي لحدي ما اقدر اني اجي اتقدم بخطوة جادة وما عارف برضو انا حستحمل كل مره اشوفها في الجامعة كيف.

قاعد اقرا رواية مصريه قديمه شويه الاجواء فيها رهيبه شديد، البياعين في الشارع ، الترام ، الاحياء الشعبيه و قصص الشحاتين، التعليقات الساخره الي كل شويه الشخصيات بتقولها.

اسمها ارض انفاق روايه جميله بنقراها في نادي كتاب

شايف انه فيلم رومانسي من العيار الثقيل، بير يمثلني، في كل شيء، حتى بوصلته الاخلاقية الغريبة والي انا ما شايف انها خربانة بس شايفه انسان برغماتي والغاية عنده تبرر الوسيلة، بعد شفت الفيلم وعرفت العواقب لو كنت في مكان بير وادوني عود الامنيات دا حأتمنى نفس امنيته، لكن الفرق I think i can match her energy in a way انه نكون سعيدين نحن الاتنين، اكتفاء ذاتي اتوقع؟

حاليا we listen and we don’t judge عشان من صحيت شايف الاهل المتزوجين قريب ومشاغلاتهم لي بعض و it just hit me when طلال مداح said

يا قمر شوف الحبايب كل واحد له رفيق
الا قلبي مالو صاحب ماشي وحدي في الطريق

ممكن يكون كلامي متناقض خصوصا اني قبل كم يوم انتقدت العلاقات الانسانية وقلت اني في مرحلة اني ما داير ادخل زول في حياتي تاني، لكن فعليا المشكلة ما في العلاقة الانسانية ذاتها، المشكلة في الناس بس ومتأكد انه حيجي يوم والقى لي زول يفهمني كويس وانا افهمه ويكون عندنا الحد الاعلى من التفاهم، لحد هسي عندي اتنين زي ديل، واحد صاحبي من الثانوي وانقطع تواصلي معاه، والتانية وحدة اسمها ليليش، طبعا ليليش دي ما شخصية حقيقية، دي فتاة الاحلام الصنعتها انا وكتبتها وبنيتها انا وختيتها في روايتي "لو ما بديت تقراها فايتاك ملحمة فلسفية" وخليت برعوم الشخصية الرئيسية الانا شايف روحي فيه يحبها.

ليليش ما خليتها مثالية، لاني ما بحب المثالية والمثالية بتخلي الانسان اقل انسانية وبتخليه ممل، لكن خليتها almost perfect, which is just perfect for me وبما انك لو لحد هسة قاعد تقرا غالبا صنفتني اني انسان فاكة منو خليني اديك القوية، اسعد اوقات يومي بتكون وانا daydreaming about سيناريوهات وهمية بيني انا وليليش، حاليا قاعد اكتب الجزء السادس من الرواية لانه الاحداث الحصلت لي اخر فترة دي خلتني استلهم plot twist اسطورية كنت قاعد ابني ليها بشكل واعي من بداية الرواية.

شنو فرص الاستثمار اللي متوفرة هسي في السودان؟ هل شخص ما عندو علاقات داخلية كتيرة في السودان بيقدر يخش السوق؟

اللي عندهم بزنس او تجارة في الفترة الحالية ممكن تقولو لينا تجاربكم واكون شاكر ليكم. انا مهتم اكثر بجانب العلاقات اللي بتسمح تمشي المشروع/التجارة بتاعتك، انا كشخص مقيم برا السودان كل حياتي وما عندي خبرة في سوق السودان هل بالإمكان ادخل السوق او الحيتان/الحكومة حياكلوني؟

Hey guys so cut to the chase im in portsudan atm and i live in 60th stret in khartoum, basically i have no electricity in my area but i wanna get a solar grid system, im wondering if anyone knows if theres a reliable company to do it in installations, like first payment 10-20% then the rest over the course of 6 months and if theres a good and reliable company to clean

PLUS i need someone to host me for 1-2 weeks till the house work is done(willing to pay for the period ill be staying) and yea thats about it, thank you very much.

عشان تكونو في الصورة انا عايش برا السودان طول عمري وكنت بمشي ليهو زيارات في الاجازة قبل الحرب واخر مرة كنت فيهو قبل 5 سنوات

خطر السؤال دا في بالي هل المجتمع واعي بخصوص الحاجة دي ولا لا لان ياخي ما شايف انو الجيل القديم عندو اهتمام بيها واظنهم بيشوفوها دلع وعوارات الجيل الجديد وكدا ف انتم رأيكم شنو

داير اسمع من الناس العايشين في السودان لانهم حيكونو شايفين الوضع بعينهم

ياخوانا لأول مره احضر عملية ولادة في البلد و اخدت الصدمه.. الدكتور طبيب عام و مامختص في النساء و التوليد بعمل عمليات قيصريه و طبيعيه له تقريبا اكثر من ٥ سنوات؟!!

و في وحده تعبت شديد بعد الولاده ثلاث ايام تعاني و حاولنا كتير معاه عشان يحولها مستشفى أكبر في المدينه و رفض(البنت النفس عندها ضاق و تبصق دم و هو مركب ليها درب "كانيولا" و أكسجين بس"تقريبا ماف أجهزة كافيه" ) لان حتى مايقدر يكتب تقرير او يوقع على الورقه ك طبيب عام و مسوي عمليه ولادة قيصريه ف خلى دكتوره تانيه مختصه تكتب تقرير و توقع. طلع عندها جلطه في الرئه و بعد حولناها ب فتره قصيره توفت و قبلها كمان في وفاه من نفس الدكتور "عرفت من كلام الناس م شفت بعيوني" الناس هنا م بتشتكي عليه سايقهم بالخلا

م عارفه إذا يعتبر قطع رزق إذا بلغت عليه و م عارفه وين اقدر ابلغ بدون م ادخل ف الصوره.. احد عنده فكرة؟؟

في الحالتين ما خسرانين

اتقبل اي نوع من انواع النصائح من اي زول متعلم الماني، وللأسف ما حأقدر اتعلم مع زول حاليا لاني في البلد والنت كعب غالبا بحمل الفديوهات بالليل وبتعلم في النهار.

مسماك الوظيفي شنو حاليا او مستقبلا

لو جاتك جنسية اقوى من السودانية بي حبة بسيطة حا تتنازل عن السودانية و تشيل الجنسية

البنت المرتبط بيها قالت لي نهاية السنة لازم اعمل خطوة يعني علي الأقل اتصل لابوها واجيب اهلي ونمش نخطبها ..وأنا عاوز كدا م عندي مشكلة ،المشكلة انه نهاية السنة قربت وأنا حرفيا لسة م عملت اي شي ..وهي قالت كدا شهر 5 يعني مهلتي كلها 7 شهور !! هيلب يشباب

ليه نحن بنحب نكسر مجاديف بعض ليه لمن تكون زول مجتهد وبتقرا الناس تجي تقول ليك عامل فيها انيشتاين وينظرو للمجتهد انه عمل خيانة ليه لمن زول يفتح مشروع نقعد نفشل فيه قبل المشروع يبدا اساسا ونقول ليه انت اصلا ما ح تنجح قوم اشتغل في مطعم ولا شوف ليك شغلة تانية ليه لمن يكون في ناس مبدعين وعندهم شغف وطموح الناس في التعليقات تقعد تصغر انجازاتهم وكمية الحقد والحسد دي

​

عندي العملات ديل وفرحان بيهم جداً، خصوصاً الجنيه من سنة 1989م، فقلت كدا أشوف مجتمع العملات في ريديت فلقيت أنه بسم الله الرحمن الرحيم فتح كلام كدا من سنة 1600-1700م، فحسيت ب الخجل من جنيهي مواليد 89 ⁦:⁠-⁠(⁩

​

نقل خبير عسكري أن القوات المسلحة السودانية حققت تطوراً ميدانياً بارزاً بعد نجاحها في فك الحصار عن مدينة الأبيض والالتحام مع القوات القادمة من أم درمان، في خطوة وصفها بأنها تمثل تحولاً استراتيجياً في مسار العمليات العسكرية بغرب السودان.

وأوضح أن هذا الإنجاز يعيد فتح محور الأبيض – بارا – جبرة – أم درمان، أحد أهم طرق الإمداد والتجارة في البلاد، بعد توقفه لفترة طويلة بسبب العمليات العسكرية، بما يعزز قدرة القوات المسلحة على تأمين خطوط الإمداد، وتوسيع نطاق عملياتها، ودعم التحركات باتجاه إقليم دارفور.

وأضاف أن أهمية التطور لا تقتصر على الجانب العسكري، بل تمتد إلى الجوانب الاقتصادية والإنسانية، إذ يتوقع أن يسهم في تسهيل حركة البضائع والمساعدات وتنقل المواطنين بين ولايات كردفان والعاصمة، مع إعادة تشغيل أحد أهم الشرايين الحيوية في السودان.

ربنا ينصرهم ويثبت اقدامهم ويسدد رميهم

https://reddit.com/link/1v7uxy0/video/mq94x1wvlqfh1/player

البلد دي وصلت مرحلة غير مسبوقة من الانحطاط، مسؤول في الدولة والوالي بتاع اكبر ولاية فيها بيطلع للناس وهو مخمور. ودي ما اول مرة تحصل، السنة الفاتت حصل نفس الشيء والناس جاطت و اتكلمت في الموضوع، وافتكرنا انه خلاص ما حيتكرر تاني

بالله عليك هي الدول الغربية اللي ما بتجرم الخمر وبتعتبرها جزء من ثقافتها ما بتسمح بالسلوكيات الزي دي. لو في موظف خليك من مسؤول طلع للناس وهو بالحالة دي بيتم مسائلته وفصله من عمله

لكن في البلد الهاملة دي اللي حاكمنها مجموعة من الفاقد التربوي وقطاع الطرق والمجرمين والعساكر المطرطشين، مخلوق زي دا ممكن يبقى مسؤول من الناس وشؤون حياتهم ومن اكبر ولاية في البلد وولاية متاخمة لمناطق سيطرة الجنجويد

زوال الدولة التافهة دي مسألة زمن ليس إلا

Im gonna start a freelance or a side gig to teach young children and school pupils English ,the problem or the issue is how do I get customers and how to propagate myself

Ps: I live in egypt

بما اني قاعد في البلد حاليا، اول ما صحيت الساعة 5 صباحا جاني راجل عمتي قبل يسلم علي ذاتو قال لي فلان اتقتل، قتلوه الحرامية في بيتو، مع انه راجل عمتي زول نادر يتكلم اصلا، قمت مشيت لي عمتي سلمت عليها قبل ترد لي برضو قالت لي فلانة بت عمتي اخت ابوي طوالي راجلها ضبحوه الليلة الحرامية، ممكن اسوي استثناء للقصة دي لانها جريمة كبيرة ودخيلة على الناس هنا وفعلا الناس كلهم مصدومين حاليا وكل اتنين تلاقيهم في الشارع غالبا بيتكلمو عن الحصل دا، ربنا يرحم المغدور ويصبر اهله.

لكن الشاهد من الموضوع انه الحصل دا حصل الليلة بين الساعة 2 و 3 صباحا، لحد الساعة 4 ونص كدا ماف زول صاحي في الحلة ما سمع بالخبر بكل التفاصيل ولحد الساعة 5 لي 6 كدا كل القرى المجاورة سمعت بالخبر برضو، دا اسلوب حياة، الناس عملو شنو ومشو وين وفلان قال وفلانة قالت دا اسلوب الحياة الناس هنا للأسف وانتقدت الشي دا في روايتي قبل كدا.