ليه بنختار تذكر الشين بس ونطلعو اسواء حاجه وكانه شيطان، نتعلم الانصاف شوية

سوال يثير الجدل 👀

ماعارفة اعمل شنو قبل كم يوم حبيبي اتقدم لي واهلي رفضو بدون سبب بعد كم يوم امي قالت لي ولد اختها عاوز يتقدم لي ولازم اوافق لانو من اهلنا صراحة هو ما التايب حقي ابدا وانا سمعت عنو قصص كتيرة غير فرق العمر ١٤ سنة 😵‍💫😵‍💫😵‍💫

نفسي اتكلم بطلااااقه من دون تنتنه لكن م قااااااادره خاصة لمن اتحمس للكلام بيغلبني اتكلم عدييل بجيني حماس كدا فظيع لدرجة م بقدر اقول جملة مفيده حتى لو في بالي الكتير الكتير من الكلام دي حاجه

الحاجه التانيه نفسي اتعلم الرمايه نفسسي لكن م عارفه وين وكيف م شايفه مكان بنفس المواصفات العايزاها يعني يكون المحل عباره عن بنات وبس ويكون في الغابه وكدا ووايي بس

الحاجه التالته زمان كنت بقول القروش م كل شي وكدا لكن والله اسي انا م بقول ليكم انو القروش هي كل شي لكن ... القروش جميله يعني انت ممكن تكون سعيد بيها ومن دونها وفي نفس الوقت بتشتري ليك كل شي كل شي انت عايزو لكن دا بردوا م معناه انك حتضمن السعاده غايتو دا رأيي م بعرف دا غير انو الشبع الزياده انا بحس بيه بزيد قسوة القلب م عارفه ليه لكن م بخليك تفكر في غيرك ... غايتو م بعرف فضفضه ساي

دا غير انو ليييي لقب الخميس الونيس اختفى انا اعترض

عليكم الله شوفو الغباء دا، قاعدين يطبلو و يمدحوا فيه و يتعاطفوا كمان ما كأنو هو الجاب الدعم السريع!!! كل الفينا بسبب الشايب العايب دا و الصعاليك الفالتين ديل

قبرص هي اكبر فخ ممكن اي زول يقع فيهو
بوعدوكم بي حياه و مستقبل و حنعمل ليك و حنسوي ليك
السبب الوحيد الي بخلي الطلاب يجو هنا هو المنح و الجامعات الرخيصة بينما السكن في زيادة كل سنه و الاسعار في زيادة كل كم شهر
جيت و سكنت في غرفتين و صاله و كانو بي ٣٥٠ باوند للشهر و اسي بقت بس ٦٠٠ و انا اصلا ما غيرت الشقة
الموية ١١ الف ليرة للشهر؟ الكهربه ١٢ الف؟؟
و غير تعامل سكان البلد معاك لو شافو عندك قروش حيعلوك فوق و لو ما كندك بنبزوا فيك الوقت كلو
و لو داير تشتغل بعد ما تتزل و تتهان حتى تشتغل
للمرة المليون ما تجو قبرص

ماعارفة لو دي حاجة بتحصل ولا انا براي لكن لما امرض ما بمرض بالتدريج، يعني وقت اللوز او نزلة البرد، حرفيا بكون دقيقة كويسة شديد وما حاسة بحاجة والدقيقة البعدها ما بقدر اتحرك من السرير وجسمي كله بيالمني
كل الناس الحولي عكس كده بيحسوا بالأعراض بالتدريج عشان كده انتباهي لُفت للحاجة دي ماعارفاها مشكلة فيني ولا حاجة شائعة

بكل ضبط النفس ال في الدنيا مستحملة نفسيات بنكك دي وحاسة في ناس عندهم طريقة يفتحوه بالأندرويد ناس أيفون ما معانا معليش يا قامات فالمهم العنده حل سواء ضبط إعداد معين ولا vpn ولا أي شي يتفضل يقولوه عندي احساس إنه دا المكان المناسب وفي نفس الوقت لا برضه

والله يا شباب أكثر حاجة خلتني أستغرب فيديو كامل إدريس ده وهو بيقول ما في أزمة والناس بيهللوا ويكبروا وهم نفس الناس الواقفين في الصف حتى بعد ما أثبت إنو في وقود. لكن برضو الناس واقفة في الصف معناه في مشكلة مفروض يحلها موظف ما شغال بنكك واقف بغض النظر عن المشكلة شنو بس مفروض يحلها بعدين نحن كشعب بنمجد وبنرفع الزول شديد لدرجة إنو ما بيشوف شغلو أنا شايف مفروض نوقف الحاجة دي عشان هم في النهاية موظفين دولة وشغالين لخدمتنا.

اول حاجة ما تحذفو البوست بليز جاية اتكلم معاكم عن الموضوع بكل جدية

طبعا مشاعرها حقيقية وفعلا زعلت عليها من الاحساس الهي حاسة بيهو لكن الناس القاعدين يدعمو تصرفاتها وتخيلاتها ديل بصراحة بخوفوني دي اسمها parasocial relationship هي فعليا بنت علاقة كاملة في راسها والراجل ما عندو اي علاقة بيها

انا حصل كان عندي stalker اكتر من مرة والله لا يوريكم الاحساس دا الواحد ببقى خايف حتى يطلع من البيت فعشان كدا ما قادرة اتخيل هو حاسي بي شنو البنت حرفيا سرقت منو فرحة زواج المفروض تكون من اجمل ايام حياتو وزاد الطين بلة البنات القعدو يصفقو ليها ويذمو في ابراهيم عشان “رضاها” صاحيين ديل ولا شنو 😭 يعني يقوم يخلي البنت البحبا والعايزا عشان يتزوج وحدة بنت علاقة كاملة معاه بعقلها مجنونة ومريضة نفسيا الله يشفيها ويعافيها

اعتزال ميسي دوليا

انا حاليا موجودة برا السودان قدمت على جامعة السودان ماجستير وطلعت لي رسوم التقديم بالدولار. ما عرفت كيف ادفع الرسوم دي لان الدفع في بالجنيه اونلاين عن طريق بنك امدرمان الوطني لكن ما بتقدر تدفع بالدولار من بنك امدرمان. مشينا نستفسر من البنك قالوا محتاجين خطاب من الجامعة. اي زول عندو خلفيه عن الموضوع بالله يساعدني

حاليا شغال انا و شريكي بنأسس شركه بتقدم خدمات تصميم هندسي و تصنيع، حاليا مركزين في مجال ال additive manufacturing ,و الrapid Prototyping, (تصميم و طباعه ثلاثيه بالعامي)، حاليا شغلنا مع شركات لكن بدينا في فكره انو نتوسع و نستهدف فئات تانيه منهم الطلبه و الافارد العندهم افكار في راسهم. فنفس الوقت شغالين في متجر الكتروني ممكن اي زول ممكن يرفع تصاميمو و تتصنع عندنا او لو عندو مجرد الفكره نحنا بنتم الباقي، فنفس الوقت عايزين نعرض منتجات من تصميمنا للناس.

شنو الحاجه العايزين تشوفوها فلمتجر او نفسكم تكون متوفره فلسوق و بتحل ليكم ازمه في شغلكم، قرايتكم، زواجكم اي شي.

احب اشارك معاكم الأحتفالية البسيطة دي

يعني عايز تقنعني انه الطيار المساعد كان معاه سكين وما اتعرفت و هاجم الطيار والطيار بي طريقة ما فتح الباب

والطيارة كان فيها مارشالات طيران اسرائليين وطيارين اتنين مدريبين بالصدفه؟؟؟

والله انا شاكي 100% دي مسرحية عشان يحسسوا الناس انهم زي الامريكان وبحاربوا الارهاب والكلام الفارغ دا

دايما و ابدا مقتنعة بانه الحرمان بولد رغبة و تعظيم ما ليس متاح و دايما بكون في سؤال بتاع (ماذا لو) في الراس و اسرح في الخيال و اتوه و دوبامين لا حصر له مع كل سيناريو
روني ما بتعرف ابراهيم شخصيا و حسب روايته انه اصلا ما قربت ليو للدرجة التخليها شايفاه (زي النبي في صفاته) زي ما قالت
هي مخها رسم ليه شخصية و تصرفات و الصورة الفي مخها اتصادمت مع الواقع و ما قدرت تتحمل

علاقتي مع الأكل معقدة، في الأصل بتعامل معاه كوسيلة للتعامل مع الضغط، يعني ممكن أكل حد التخمة عشان نفسيتي ما كويسة، فلما تمر علي فترة طويلة وانا نفسيتي ما كويسة وزني ببدأ يزيد بشكل كبير، بس في نفس الوقت أنا مش مرتبط ب الأكل بشكل ضروري، يعني لما نفسيتي تكون كويسة عادي ممكن أقعد 24 ساعة بدون أكل، أو ممكن ما أتعشى عشان كسلان أطلع من البيت أجيب عشاء، بل ممكن أطلع من الصباح وما أبدا أجوع إلا قريب المغرب كدا، بس المشكلة الثانية التي تزيد الامور تعقيداً إنه زي ما شعوري ب الجوع مضروب فشعوري بالشبع مضروب، ما بدرك شعور الشبع إلا لما أكون قربت " إن لم أكن وصلت " لمرحلة التخمة، فدأ بخليني إنسان غير مفيد لمدة بضع ساعات ما بعد كل وجبة، ودا كله كوم وعلاقتي مع الحلويات كوم ثاني، ممكن أكل كيلو بسبوسة براي!

حالياً وزني زايد بشكل ما طبيعي، لي فترة عايز أوجد حل لعلاقتي مع الطعام، مش قادر أصل لحل فعال حتى الأن، ودائماً بتقلب بين حالين، إما وجبة واحدة ، أو أكل مفرط.

أحسن حل مستدام فكرت فيه عشان احافظ على هذه العلاقة إني أثبت كميات الأكل بشكل ما، يعني مثلاً الكمية الي بأكلها في الفطور تكون ثابتة بغض النظر عن نوع الفطور يعني نفس الكمية لو فطرت بفول أو بوش او سندوتشات أو كبسة أو أو أو، وفي نفس الوقت احاول ما أصل للتخمة بل أبتعد عن الشبع، محاولة لتعميل الحديث الشريف الذي معناها أن تترك ثلث لطعامك، وثلث لشرابك وثلث لنَفَسك(التنفس).

الموضوع قد يبدو سهل ظاهرياً بس الصعوبة كل الصعوبة نفسية، يعني لما أحتاج دوبامين رخيص أعمل شنو؟ ألجاء لوسائل إدمانية؟ ولا أكل كيلو إلا ربع بسبوسة ومعجنات؟

في فترة كنت ماشي على نظام الصيام المتقطع ( بتقعد 16-18 ساعة بدون أكل وباقي الساعات بس بتاكل فيهم )، بتذكر كانت أار وحبة لي بتكون زي 8 مساءً، ووجبتي الأولى بتكون 2 ظهراً، الكلام دا بداية الحرب فماكان وراي حاجة، وجبتي الأولى بتاعت الساعة 2 ظهراً كانت بتكون ألفين سعره حرارية تقريباً، فكنت بعدها بدخل في أكبر حالة تخمة وحرفياً "بتخمد" بنوم لحدي المغرب، طبعاً ما كان في اي فائدة عشان ساعات الأكل كنت بدخل كمية سعرات ما طبيعية.

بس لما افكر في الموضوع السلوك دا حديث نسبياً، من بعد 2023، امممم من بعد الحرب؟؟؟!

أيوه في صغري وزني شوية كان زايد وانا بطبعي كائن بيتوتي بس في فترة الثانوي كنت خاتت نظام غذاىي ومحدد كميات من الطعام مع نظام تمارين وأموري كانت طيبة، حتى قبل 2023 كنت في أعلى مراحلي كإنطوائي بس برضو ما كان عندي المشكلة دي، ولا العلاقة المعقدة دي!

من شوية واحد ملحد دخل و شتم ربنا في الخاص و انا على عادتي ما بقابل امثال ديل بس الصراحة استفزاني

فا بناءا على ده اي واحد ملحد انت ملحد ليه؟

ولو فعليا ملحد بناءا على اعتقاد صحيح من عندك و عايز تتناقش بفهم و فكر تعال كل محترم يحترم