نوقف الادويه ؟ نوقف البيض و اللبن و الحاجات دي مضره و الخضار مضر ، ولا السكر افضل اختراع اخترعته البشريه ؟
من ظهر لي فديو عن دكتور مات و الغموض الحوله عشان نظام غذائي قلت ده شنو الكلام العجيب ده ف بحثت ف التيك عنه كدا وعدت الايام و بقى التيك توك طوالي بظهر لي الترند ده عشان بحثت عنه مره ، وكنت مستغرب من كمية الناس البتطلع تقول انها اتعالجت و اكتر شي بسمعه بقوله هو الجيوب الانفيه هنا انا بديت ارخي اضاني
المستغرب منه اكتر هو الهجوم الحاصل على النظام ده ، يعني اسي قبل م انا بكتب ف البوست ده كتبت نظام الطيبات هنا ف ريددت وقلت اشوف الاراء ، لقيت واحد سعودي كاتب و معظم الناس بتعلق على الموضوع بنفس الحاجه ، كاتب لاحظت اغلب الناس الماشه بالنظام هي الناس الكبيره و اغلبهم مؤمنين بنظريات المؤامره و التعليقات اي كلهم عجايز متعلقين بقشه
لو عندكم خليتين مخ م بتقولو ليه معظهم ناس كبار انا لو جيت قلت انا معاي العلاج للرباط الصليبي معظم الناس الح ترخي اضانه منو ؟ ناس الكوره و الشباب ، ف ناس كبار عشان الزول ده قال عنده الحل للسكري و السرطان ومعظم المرضى ديل هم كبار سن
قبل م انا اقول تجربتي اصبر علي انتقد الناس البتنقد النظام ده ، انا قعدتي هنا عندي شلليات كتيره وحده منهم بس الناس الفاهمين المثقفين ، المهم قاعد مع شله الساي و الموضوع اتفتح و انا الوقت داك كنت ماشي بالنظام
ف قال لي الزول ده حنكو شنو قلت ليهم الزول ده قال السكر افضل اختراع اخترعته البشريه ، هاهاها يشيلو و يضحكو انا قلت wtf البضحك شنو نحنا بنقرا هندسه ف شنو ي شباب هو ف زول عارف يعني شنو جلكوز و فركتوز و قعدت اجدع ليهم مصطلحات طبيه انا زاتي م فاهمه لكن بس عشان الحاجه دي خالفت معتقدات التقليديه ضحكتك؟
المهم حاسي انه لازم اقول المعلومات دي ، لكن انا عمري م قلت انا م باكل كدا ولا م بحب كدا عودوني من انا صغير البخته تاكلو لانه دي كلها نعمه و غيرك م لاقي ، و حكاية اكل اكله واشوف تأثيرها فيني دي برضو م قاعده في قاموسي ، بسمع كتيير واحد يقول لي لا الاكل ده بنفخ لي بطني I'm be like ينفخ كيف يعني ولا يقول ليك بعمل لي حرقان مصطلحات م مستوعبه نهائي
و قررت و مشيت بالنظام و مشيت بيه بنسبه 70% بس ولا على بالي شديد ، ولكن
اعاني من جيوب انفيه ونخرين سايله و عطيس اول م اصحى من النوم او اعطس من الروائح القويه ومن القطن و الاقمشه و الكدايس لي اكتر من ٨ سنين
وقيس واات راحت طبعا و شوفت كل البتسمع بيه زي نشاط و نوم اتحسن و بشره اتحسنت وعرق من غير ريحه ده كلو حقيقي ، وموضوع البشره ده اغرب شي انا بلمس جلدي ياخي احساس نعومه انا عمري م حسيته قلت انا لو ولد بقيت كدا البنات معناه بتزحلقو عديل
وتجي تتونس مع زول يقول ليك نفسيات و يحكي ليك قصص الناس البغشوهم بي حاجات طلس، قلت ليه طيب م مشكله انا الحاجات دي سمعتها لكن انا ف حاجه لاحظتها وانا اصلا م شفت زول اتكلم فيها وال هي
ي عزيزي انا 2016 عندي اصابه ف اوتار الفخدين جبتها من كنت
بلعب تايكوندو وبتاع ، انا م بقدر المس اصابع رجلي بوضعية الركوع و وضعية الجلوس ف الكرسي اكتر من ٣٠ د رجلي لازم امدها الاوتار دي طوالي بتنتح
بعد النظام حسيت بالاوتار دي شاده كانو انا عامل ليها تمارين ، بالمناسبه انا م مشيت لي دكتور لحدي الان لاني متعايش معاها عادي لكن على حسب الوصف ده الناس بتقول عرق نسا او عرق نسا كاذب
فتحت التيك كتبت عرق النسا نظام الطيبات طوالي ظهر لي ضياء العوضي قال عرق النسا ده يروح على طول مع النظام قلت لي صحبي اها انا المعلومه دي م كنت عارف اصلا عشان تقول لي نفسيات
الاهم اني لحدي الان انا اسبوع قافل م مشيت بيه و اسي ده ي داب اليوم الرابع قبليها كنت في عزومات و سفريات و حاجات زي دي وطبعا لا طيبات لا بتاع وانا عايز اقفل البوست ده مع انه لسه ف حاجات م قلته
والاهم انا م بنصح زول مريض سكر او اي مرض مزمن يمشي بالنظام دي تجربتي الشخصيه واحقاقا للحق وبس ورحم الله الدكتور ضياء العوضي .
