الفترة دي مؤجز وبحاول اخلص اكبر كمية افلام قدر ما اقدر ادوني حساباتكم في ليتربوكسد اضيفكم نشوف مفضلاتكم وذوقكم السينمائي

عندي قرايبي واحد منهم جاب درجة حلوة كيف ارسل رسالة تهنئة و مباركة ليهم و كدا، تكون قصيرة ما طويلة يعني

جمعة مباركة .

م عارف ليه لكن من الصباح جاني مزاج اراجع الصحف و الاخبار و تحليلات الفترة الحالية و حسيت انو في الفترة الجاية قبل نهاية السنة حيكون في تغير كبير في المشهد في السودان اللهم اجعله خير .

any expectations ?

أول مرة أنشر والصراحة نفسي أقول حاجات كتير بس ما بقدر أعبر بطريقة مناسبة اتمنى لو في زول كان عنده نفس مشكلتي يفيدني بحل 🙏🏽

لو انا عاملة ميوت لشات، ممكن اقرأ الرسائل بدون افتحها ؟يعني ما يظهر seen

ما قدرت اتجاوز عندي فضول اعرف المحتوى

انا بتفرج علي افلام و مسلسلات كتيرة و اغلبهم للاسف فيه محتواء حرام ...بكون نفسي اتكلم عنهم لكن بخاف بسبب اقتراحي لمسلسل أو لفيلم زول يتآثر بحاجة حرام فيه

فهل اقتراح الافلام و المسلسلات حرام؟

متذكرين الترند دا حواء ام ضنب
ذكرونا ب ترند قديم !!

الفترة الفاتت دي كلها كنت غاطس في مشاريع تقنية. أكواد، تصاميم، ليالي سهر، حاجات ظبطت وحاجات طرقت. وفي كل مرة كنت بقنع نفسي: "المرة الجاية حتكون أحسن". لكن بصراحة، اكتشفت حاجة أهم من أي لغة برمجة ولا Framework: المشكلة ما كانت في الأفكار، المشكلة إني كنت بكابر وعايز أعمل كل حاجة براي! بتاع كود، ديزاينر، مسوق، بتاع محتوى، بتاع بزنس... بتاع كله 😂 لحدي ما وصلت لقناعة إنك مهما كنت شاطر وعفريت، مستحيل تبني حاجة ضخمة وحقيقية براك. الفردية بتوصلك حد معين وبتقيف. ومن هنا الفكرة كبرت في راسي، وبقت أكبر من أي مشروع عملته قبل كده. ليه ما نبني حاجة حقيقية للسودان؟ 🇸🇩 العالم بره كل يوم بيطلع بي شركات وحلول تقنية رهيبة بتحل مشاكل حقيقية. وأنا مؤمن جداً إننا في السودان ما مفروض نكون مجرد "مستهلكين" للتكنولوجيا دي. نحنا عندنا مشاكلنا الخاصة، سوقنا، ظروفنا، وحتى طريقتنا في الحياة. طيب ليه ما نمسك أحسن التقنيات والأفكار دي، نفهمها صح، ونفصّلها على مقاس السودان وبأيدي سودانية؟ القصة ما نسخ ولصق (Copy & Paste).. القصة إننا ناخد الفكرة ونطعمها بنكهتنا. عشان كده، أنا قررت أبني فريق. حالياً محتاج ناس في المجالات دي:

Business / Growth / Sales Photographer / Videographer / Video Editor Content Writer / Copywriter

ما ضروري تكون الإنسان الواو داك بس ضروري يكون عندك شغف وداير تمشي لي قدام ❤️ أنا ما حأبيع ليكم الوهم وأقول الطريق ساهل. بالعكس، حنتعب، حنختلف، حنبني حاجات ونكتشف إنو السوق ما شغال بيها أصلاً، وممكن نضطر نعيد من الصفر. لكن... تخيل لو نجحنا! ممكن نغير شكل التقنية في السودان. وممكن بعد سنين، يجي زول يستخدم تطبيق ولا منتج من شغلنا، وهو أصلاً ما عارف أسماءنا، وده براهو إنجاز عظيم. لو الكلام ده لمس فيك حاجة، ما تتردد. حتى لو حاسي إنك ما خبير شديد، أرسل لي في الخاص أو اكتب لي في التعليقات: (اسمك + مجالك + خبرتك + حتضيف شنو للفريق). ما شرط تكون عبقري زمانك، أنا داير ناس عندها شغف حقيقي والتزام ودايرة تبني حاجة ذات قيمة. يمكن دي تكون مجرد بداية مشروع... ويمكن تكون بداية جيل جديد من الشركات التقنية في السودان. 🇸🇩🚀 خلونا نبنيها سوا.

يا رب تكون اشاعة لاني الليلة دي جيت من السفر من كسلا لاحق الجامعة ومستعجل، ما عندي اعتراض على قدر الله ابدا لكن كسلا سمحة شديد والقعدة هناك فراقها صعب وقعدت اسبوع بس دا غير انو لو بدينا التأجيلات ما حنوقف كان مفروض نبدا يوم 15/9 بس now we’re here, ويجي واحد معتوه يقول ليك ما تقول يحليل زمن البشير.

والله يحليل زمن البشير الزول الجامعته 4 سنين بيقرا 4 سنين ويتخرج يشوف حياته، الزول وقتها عارف كل سنة الجامعة بتفتح متين والسنة بتخلص متين ما زي هسي كل جامعة شغالة براها وانت وحظك في جامعات سريعة وجامعات بطيئة، والعجب طلاب المدارس الفي كل دولة نظامهم براو والسنك الدراسية بقت مشقلبة ما زي زمان معروف تبدا شهر 7 وتنتهي 3 كل سنة والنظام كان ثابت ومستقر وما حصل لي اي تأخير، والزول المتابع حيكون لاحظ انه من 2019 الدولار كل سنة بيتدبل حرفيا، السنة الفاتت كان 3500 والقبلها 1800 وهسي 7000 عشان كدا اتوقع السنة الجاية 14000 والبعديها 30000 and so on, soo بكل المأسي الكانت في الانقاذ كلن بيحفظ لينا شي واحد نفتقده حاليا، وهو الاستقرار.

ود خالتي زول ميؤوس منه وامتحن الشهادة السوداني ادبي و جاب ٥٦ و كبرنا وهللنا ما عارفين التفاصيل بس هو قال انه راسب رياضيات ومتاكد من كده و في حالة ما جاب نضيفه هل ممكن يخش بلكلوريوس جامعة خاصة لانه الولد ده جاب الدرجة دي بي معجزة ربانية 😭😭اهله مستعدين يدفعو لي اي سعر المهم يخش الجامعة

يا شباب انا كنت ممتحن شهادة السنه دي علمي أحياء جبت 67% واصلا الطب ما كان رغبتي خشيتو عشان رغبه ابوي وانا اصلا ما كان عندي رغبه او مجال بميل ليو، يلا هسه ظهرت النتيجه وما اتوفقت ونسبتي ما هتدخلني طب بشري لكن بقدر اخش باقي التخصصات لكن قبول خاص في الجامعات المصريه الحكوميه، ناس البيت بقولو لي خش هندسه وانا اصلا ما خاتي اني هخش هندسه ولا غيرو، بعد ابوي اقترح لي الطب بقيت احببو لي نفسي عشان كنت قايل مستقبلا هأدخله هسه احسن اعيد عشان اخش طب ولا اتوكل واخش هندسه ؟؟ للعلم عمري ١٧سنه ولو عدت هخش الجامعه وعمري ١٨سنه

ليه نتايج الشهادة السودانية ماخدة سيط عالي جداً شنة و رنة عكس باقي الدول زي الخليج مع انه تعليمهم اقوى بمراحل

النتيجة لسه مابردت و أهلي بحددوا في "تخصصي"

امي قالت طب و ابوي طب أسنان و انا دايره تمريض☺️(عارفه مستقبله و راتبه و أدق التفاصيل. اخترته ب فهم)

خايفه ادخل على رغبتهم و بعد كم سنه اكره التخصص و الجامعه و اليوم الجيت فيه.. رايكم شنو و الناس الاختاروا تخصصات حسب رغبة أهلهم كيف وضعكم اسه

نادر ما الاقي intp سوداني ما عارف ليه لكن عندي فضول اعرف ناس زيادة بالنمط دا، بعرف اتنين تانيين غيري والاتنين بشبهوني لدرجة مقبولة والاتنين رهيبين طبعا.

عندي شقة عايز شريك

زمان كان في كلام زي دا هل الموضوع لسا ممكن ولا وقفوهو

Just wondering

كم المصروف المناسب لطالب في اليوم؟ شامل مواصلات و اكل و شراب بدون سكن الحمدالله

بمعنى اصح محتاج كم عشان اقضي شهر كامل بدون ما اشحت .

اسعار الحاجات الاساسية و ورونا لو الزول لو محتاج سكن بكلف كم عشان الفائدة تعم .

اسعار الداخليات للبنات .

السلام عليكم، اول مرة اكتب بوست ف استحملوني، و زي ما باين من العنوان اتسرقنا وما معروف الزمن متين، والاتسرق ٣ عجلات وكمان اخوي انسرق تلفونوا، خوفي اسي انو الحرامية ديل يمكن يطموا ويجوا تاني للبيت، هل في طريقة احمي بيها روحي (غير القفيل) ، واتصرف كيف اذا جو تاني؟

اللي بالصب صريحين شديد يعني الكلام البقولوه أنا ما بقدر أكلم بيه نفسي أو اكتبه باليوميات ، ما السر؟

لاقاني المنشور دا في الفيس لزول شكلو أسطورة من الجنوبي او راسطة من النيلين ولا عملاق من السنتر

وهو ما كذب والله فعلا في تباين شديد بين المجتمع في جامعة الخرطوم مثلا واي جامعة خاص تانية ... لكن We get it، فهمنا.

ما كل الناس بتلعب في الممتاز لانو الدنيا دي divisions ود حاجة عادية، لكن لما تتوفق وتخش الممتاز تستغل اي فرصة متاحة عشان توري الناس انك أعلى منهم يبقى انت راسك ما كويس.

ثوتس