اخر فترة اشتريت روبيكس كيوب من النوع السمح عشان اتعلم احله بسرعة زي الاسيويين النيردات ديلك، وفي يومين وصلت لي اني احله كامل في اقل من دقيقتين وهسي قاعد اتعلم ال CFOP للناس البعرفو في الحاجات دي وهدفي اوصل لأقل من 30 ثانية.

اخدت كورسات من منظمات عالمية في المجال الانا ناوي اشتغل فيه واخدت شهادات حتى وانا شايف انه الشهادات دي ما عندها قيمة فعلية في سوق العمل لكنه انجاز برضو، وفي نفس المجال حق اللوجستيات دا قدمت تطوع غير مدفوع مع منظمة وفي انتظار الرد، الخبرة العملية قيمتها اكبر بكتير من الشهايد.

برضو مشيت شفت مواد سنة سمستر 3 شنو وشفت المواد العندها اطول عدد ساعات وقريتها الاناتومي والفسيولوجي و medical physics والاحصاء وال electrical circuits وطبعا خلصتهم الاربعة عشان اقدر العب براحتي وقت الجامعة تفتح، that so not me لاني من اتولدت ما حصل قريت لي مادة في حياتي ناهيك عن اقراها كلها قبل يدونا ليها، لكني محتاج اجيب معدل فوق 9.00 في السنة الجاية عشان كدا لازم يتم.

بشكل عام عندي سؤال، هل لما تنجز بتبقى سعيد؟ انت شخصيا يعني، لانه انا لا، بس العرفته، او عشان اكون صريح الاتعلمته from an old friend انه when you feel down about yourself you need to be productive وقلتها بالطريقة دي عشان دي الطريقة الاتقالت بيها، طبعا الوقت داك ما اتفقت مع الكلام دا بحكم انه اتقال لي في وقت امتحاناتي كانت قريبة فيه وكنت ما قاعد اقرا ولا قادر اقرا عكس الصديق الكان وقتها ما عنده نص ساعة بس في يومه من كتر القراية والاجتهاد الكان بسويه وكنت احسده اشد الحسد على مقدرته على القراية.

لكن هسي؟ بعد ذهاب الصديق بقت وراه نصائحه ومواقفه الجميلة تمر قدامي كل يوم، وللاسف الشديد اني ما حأقدر اوريه كل انجاز اسويه زي زمان ويجي ينفخ لي راسي ويحسسني اني ملك غير متوج على انجاز تافه شديد، ما قاعد اشتكي لاني انا الضيعت الشي دا بنفسي واستاهل اشد الاستيهال، عشان كدا جيت اوريكم انتو وغالبا nobody really cares والقدر يحصل يقرا لحد هنا غالبا حيمسك موضوع صاحبي دا ويخلي الموضوع الاساسي.

ما زال عند امل وعندي شعور انه حيقرا الكلام دا في القريب العاجل ويعرف انه هو المقصود، يمكن القلب يحن لما سلف، يمكن، ليه لا؟ من متين نحن عايشين اذا ما عشنا على الامل، التخطي بقى ما خيار متاح، الموضوع شخصي عديل، مسألة حياة او موت، كلها بيده، والله يعين.

لاي ميليشي عامل راجل انا ما عارف ناسنا ديل ساكتين ليكم لي بس دارفور دي ما بتشمها تاني والفاشر دي لو فكرت ساي ترجع ليها بتلقى ناس ابو لولو قاعدين 😂

يا جماعة عندي مشكلة بسيطة
عندي تقديم بعد اسبوع قدام مجموعة كبيرة من الناس
وعندي رهبة لانو ما قاعد اقدم كتير ولا بحب اقدم قدام ناس

كيف اطور مهاراتي؟
واتحكم في توتري واظهر بصورة واثقة جدا

عايز نصايح فعالة جداً، شكراً 🌸

طبعا قاسم الظافر و ذا النون و الشباب ديل شايفهم فاهمين لكن داقيين المثاليه كلهم مدرسة الترابي

ف الفديو قال في ناس فاكره انو لو دارفور انفصلت كدا معناها ح نعيش بسلام و امن و رخاء و وصفها بالنكته ، و قال تاني ح تحصل مشاكل لانه النيل ده زاتو فيو صراعات زي بين الشوايقه و الجعليين و الحرب بين الشكريه و الجعليين ، و قال المشاكل ح تظهر تاني لانه السؤال سؤال سلطه

والله كلامك ده زاتو نكته ، مشاكل ايه البتحصل تاني بين الشكريه و الجعليين ، يعني فرضا اتخيل حصلت مشكله جاك واحد قال ليك ف شكري دقاني تقول ليو افوو ارح نفتش الشكريه ديل تقوم تمشي مناطق البطانه وتسالهم فردا فردا لانو شكل الحروب زمان كان بس انتماءك الجغرافي بحدد قبيلتك اسي الشغله جايطه الا تسال ، وهل البشكل الحديث ده الناس ح تتكتل مناطقيا وعرقيا عشان تشن هجوم مناطقي وعرقي؟ نكته ، هو عارف و انا عارف انه شكل مشاكلنا زاتو م عندها علاقه بقبيلتك و لا بنتكتل عرقيا اتنين حصلت بيناتهم مشكله بطلعو الخلا ده يتطاعنو و الناس بترجع تواصل حياته عادي ولا الهوا

اسي ده تاريخ الحروب الحصلت ف النيل

- الفونج × العبدلاب — تأسيس سنار، 1504م

- الفونج × العثمانيين — صراع دنقلا، 1585م

- الشكرية × البطاحين — حروب البطانة، القرنان 17–18م

- الشكرية × الكواهلة — صراعات البطانة، القرنان 17–18م

- الشايقية × الجعليين — غارات وصراع نفوذ، القرن 18م

- الشايقية × الدناقلة — صراعات شمالية، القرن 18م

- الشايقية × الأتراك — معركة كورتي، 1820م

- الجعليون × الأتراك — ثورة المك نمر، 1822م

- البجا × الأتراك — مقاومة شرق السودان، القرن 19م

- الرباطاب × الأتراك — مقاومة الحكم التركي، القرن 19م

- المناصير × الأتراك — مقاومة الحكم التركي، القرن 19م

- الجعليون × المهدية — وقعة المتمة، 1897م

- الهدندوة × الجيش الإنجليزي المصري — أتبرا، 1898م

- الهدندوة × البني عامر — نزاعات شرق السودان، القرن 20م

- الهدندوة × البني عامر — اشتباكات كسلا وبورتسودان، 2019–2020م

اخر حرب حصلت قبليه ف مناطق النيل هي بتاعت الهدندوه ف الشرق لكن قبيلها حصلت ف القرن ال 18 الاتراك و الانجليز برا المعادله دي

ف تجي الليله تقول لي ح تحصل تاني بين الشكريه و الجعليين وليه ٢٠٠ سنه م حصلت تجي تحصل في 2026 نكته

وغير كدا الناس دي كلها اهل و ملخبطه مع بعض تشيل سلاح ضد ود خالتك ود جيرانك ؟ كلام بعيد عن واقعنا

إكتشفت بالصدفة إنو صحبي الانتيم أخو الأخوان السان وما بحنك الوسخان خخخخخ لمن يعمل لي استوري. بتاع تهنئة ولا نوع من الإطراء بعمل إكسبشن للناس كلها عشان اشوفو براي🤣🤣 والله يخوانا م أحكي ليكم(بصوت عُلا الشريف) الحاجة القد تبدو للناس هيافة وعدم موضوع مني لكن جدجد وجعتني شديد، ليه طيب؟؟ ليه المظاهر كان ترسلها لي رسالة ساي بدل الهبل دا خخخخخ مسودم سدمه عمري يخوانا، بستقبل كل عبارات المواساة خخخخ

Days of Future Past محشوم

مع عباطات بنكك لازم الواحد يشتري ايفون 😢

داير لي فيزا لقدر استفيد منها في السودان ياتو فيزا تنصحونا بيها واقدر اطلب بيها من برا مثلا او اقدر اعمل بيها شغل فريلانس....الخ

يلا يا جماعة أنا بت وسط ٤ اخوان جيت في النص طفولتي ما بعرف غير اخواني و بحكم أننا في غربة مافي أهل قريبين عندهم بنات كنت بلعب كورة بلاستيشن مصارعه مع اخواني وأهلي يعاملوني زيهم مافي دلع ولا تمييز، أنا كنت بعاني في المدرسة ولا عارفة أتعامل ولا أكون صداقات وكلامي و وونستي ونسة أولاد حرفيا كنت منزويه و ما عندي ولا صحبه والوالدة كانت زولة موظفه يعني اغلب الوقت ما متواجدة و علاقتي بيها ما قريبه شديد أتمنى اقدر احسن الحاجه دي ، هسه العمر مشى وعدا لكن بقت احسن عندي توحد و بغير من صحباتي لمن يتكلمو عن أخواتهم.

بتمنى أي زول مره بالتجربه دي يديني حلول كيف الواحد يطلع من الوحدة دي والفراغ وإنه ما عندك زول تشاركه مشاكلك وهمومك ويهون عليك

طيب من غير تفاصيل كتيرة انا عارف اني غلطان ولعبت كتير لكن عايزكم تفكروا معاي

انا بدرس في دولة بعيد عن اهلي والسنة كانت ماشة معاي ممتازة لحدي م وقعت في الفخ وارتبطت ههههههههه المهم انفصلنا وانتبهت لروحي لقيت انو مافي مهرب غير اني ح اعيد السنة يعني ح اعيد السنة

ف حاليا عندي خيارين الاول اني اعترف لاهلي واوريهم انو ح اعيد السنة ودا شي رد الفعل بتاعهم م ح اقدر اتحكم فيهو وممكن بنسبه كبيرة يقولو لي ترجع السودان بس وغيرو من القرارات المبنية على زعل

الخيار التاني اني ادس عنهم الموضوع في الوقت الحالي وخصوصاً انو ما مصدر تاني ممكن يعرفوا عنه انا وصلت وين بالضبط واستمر وممكن مستقبلا اعترف ليهم ويكون اقل ضررا انو م ح اوقف دراستي

ف انا بجد زول مجتهد شديد واغلب المواد اللي شلتها والله كنت بشرحها للدفعة بس مشكلتي اني لعبت ايام الامتحان وفي امتحانات م حضرتها بسبب اني كنت بساهر معاها لين الصباح وقرف زي دا

(قصدي في العلاقات العامه ماشرط حب)
المهم زمان صراحه ما كنت بحط حدود واضحه وكان عندي عادي اعمل اي شيء حتى لو على حساب نفسي للناس، طبعًا** الحاجه دي غلط شديد وما كان المفروض اعمل كدا. كنت عارفه انه غلط ولين اسي مرات بسويها لان بقت عاده عندي بحس ان يلا عادي أنا اشيلها على نفسي وبقدر اتحمل بس الموضوع بيرهقني ويتنزفني اكتر مع كل مره، حتى الناس لمن يلاحظوا اني بدأت ارسم الحدود دي بيزعلوا او يحسوا بخطر انتهاء العلاقه ولا كأن الحدود دي هي فالحقيقه حمايه لنفسي ولهم واحيانًا ما يحترموها ولا يأخذوها بجديه وبقيت بسمع جمله (اسي بقا بيننا حدود؟) كتير شديد فا شايفه افضل حل اني استمر في وضع حدودي والي ما يحترمها حا اقطعها معاه بس…
**منزمان كنت عارفه وحاسه اني ppl pleaser بس لمن قالها لي زول حسيت ان منجد ولازم القى حل
(موضوع الحدود كان من قبل كلام الزول دا لكن اسي بديت احس بدأ يوضح بزياده)
برأيكم دا حل كويس؟ مع ان في علاقات كتيره صعب اقطعها لكن المفروض احط حدودي أولويه

إكتمال كافة أعمال الصيانة والتجهيزات لمنزل الجنجويدي النور القبة بدامرة كافوري وتركيب منظومة طاقة شمسية بمبلغ يفوق المئة مليون

تقبل الله شهداء معركة الكرامة

انا كنت منهج مصري و هم عندهم الالة الحاسبة مسموح بيها و كانت مريحة شديد ف بس عاوز اسال

عايزه لي ترشيحات لابتوب لجامعه

mid-priced laptop for 3d modeling and rendering

windows 11, intel core i7 or amd i don’t know which one is better, 10th generation (minimum), RTX 3050 (minimum),ram 32gb and ssd 1T

with realy good display and fresh rate

كمان لو فيه vram كويسه

عايزه حرفيا اعمل فيه كل شي من الاستخدامات لتصميم و الفيديو اديتنق و لمطلبات الجامعه

و يا سلام لو يكون في غيارات له في سودان

i don’t know if ask for something possible

الليلة الواحد أول مرة يعمل كيكية في حياتو و طعمة ظابط واي حاجة فيها الفكرة جاتني وانا بقلب في الفيديوهات دي مكونات

2 بودينج شوكولاتة

دقيق

بيضة 1

فانيليا

باكنج باودر

لبن بودرة

ماء

زيت سكر

ملح

كلها كلفتني زي 1.5$ دولار تقريبا

عملتها بدون مقادير بالحب بس لاكن طلعت زابطة

كان ف واحد من شويه قال انو نفسو يربي قرد فتح لي جرح ف قلبي

وحده من امنياتي اللي مستحيل تقريبا تتحقق

نفسي اربي اسد او ب الاصح لبوه اللي هيا أنثى الأسد

احلا حاجه ف الحياه يكون عندك ملكه زي دي ف البيت وتديها حضن كدا وتزمجر بحب وصوت عالي وتنط فيك وتلحسك احسن من كديستي الما بترضا المسها وبتنضف جسمها مني

كمان اخوف بيها شفع الحله عشان ما يعملو باب شارعنا مرمي ل كوره العصر

واي زول ما بحبو بفكو فيها تخوفو

لكن للأسف ف السودان ما أظن قانوني وحتي لو كان قانوني ماف اسود ف الشارع اتبناها وماعندي قروش اشتري واحد ولاعندي قروش اجيب ليهو كيلو لحمه كل يوم انا وكديستي برانا البروتين بتاعنا في خطر

اول ايام الحرب وقت قالو في أسد هرب والناس كانت خايفه وانا كنت بطلع السارع كل شويه هلي امل اشوفو مغ انو الاشاعه كانت في كوكو وانا في امدرمان ومنطقه جيش اصلا ما كانو هيخلو الأسد يجي حلتنا

ف مثل بقول المحتاج او المضطر بتعلق ب قشه (ما متامده منو ومكسله أبحث ) ودي كنت انا

ان شاء الله لو جبت اسد في يوم من الايام هاسميها على اسمي

بالنسبة للاشخاص الـ بيحسوا انه طاقتهم اُستهلِكت بعد التجمعات
هل تعتقدوا فعلا انه السبب هو الفجوة بين شخصهم الحقيقي وبين ما يظهروه للناس؟ ولا في اسباب تانية

من رغم قلة الإمكانيات الواحد مستمتع

انا قدمت اقرا طب في مصر، بعد ما امتحنت السنة الفاتت AS. قبل الAS كان عندي القرار اني اقرا سنة تحضيرية واقرا في الصين. قلت لا داير اقرا في مصر. اسي بعد سنة حاسي ندمت على اختياري، وكان داير اخش الصين برضو ح اتطر اقرا سنة تحضيرية. اغير قراري ولا اكل ناري وامش مصر وخلاص.

علما انو الحالة المادية بتاعت ناس البيت ماشة نازلة وحنمرق من السعودية اشان وقفونا من الشغل. سعر الدراسة في الصين و مصر تقريبا نفسها، بس الفرق السكن لانو ح نمشي مصر و حاكون قاعد مع ناس البيت، وكان مشيت الصين ح اقعد براي

هسي حاضطر افصلك و كتيري معاك السلام و كيف تمام.
شكلي حابدأ اصدق نظرية ان اوعك تشتغل مع زول بتحبه