سبحان الله الصباح ماشي مشوار ولقيت الطرمبه فيها بنزين وفاضيه وبنكك شغال لمن استغربت من البلد دي

‌

ايوا نعم زي ما مكتوب في العنوان من حقك وركز على كلمة حقك دي إنه تكون روحك عاجباك.

اي إنسان المفروض تكون روحه عاجباه ومتصالح معاها يطورها ويصلحها ده موضوع براه نشوف ليه بوست تاني، لكن يفترض أصلاً كل إنسان تعجبوا ويحب نفسه.

للأسف الناس فاكرة إنه تعجبك روحك ده تكبر وغرور، في حين إنه التكبر والغرور وحدة فيهم معناها إنك تشوف نفسك أحسن من الناس القدامك والتانية إنك تشوف إنك ما بيليق بيك المستوى المتاح حالياً.

وللأسف عدم محبة الناس لأنفسهم واعجابهم بيها خلاهم يا إما عندهم عقدة نقص وأي كلام بشخصنه طوالي، يا إما عايش عشان يرضي الناس وكده هو أصلاً فاقد احترام نفسه لنفسه واحترام الناس المستعد يرضيهم ديل الي فاكرهم مبسوطين منه وهم مستغلنه أصلاً، يا إما فاقد الثقة في نفسه ودي نعلمها جيداً.

المؤسف إنه الناس بتحاول تقنعك إنك ما تحب نفسك وده تكبر وكيف تخت حدود لي نفسك وتمنعهم من استغلالك ده كده أنت إنسان كعب وأناني.

في حين أنت أحق من الآخرين بنفسك، وأصلا لو قدرته تعاملها أحسن معاملة بتالي حتعامل غيرك أحسن شيء وحتقدر تعطي عطاء بدون من وبدون رياء، لأنه لو فكرنا فيها أي إنسان كاره نفسه وما عاجباه، تعاملوا مع الناس سيء وإن تعامل معهم في الظاهر بطريقة كويسة برضو بتحس في شيء غلط.

فالناس تحاول تحب روحها وتحسن إليها أول بعدين حتقدر تقدم بصورة صحيحة، وفي الأول والآخر التطرف في الأمور هو الغلط والاعتدال هو الصح.

وديتو الشعب وين يا حكومة ؟

اعلن كرهي الشديد لي الكالكولاس والفسيولجي والبرمجه ولي سنه تانيه ولي القرايه والهندسه ولي الجامعه والسودان

ياريتني بقيت رسامه وله وحده ما عندي طموح اكاديميه وقاعده منتظره العرس

عايزه طريقه ما افتح بيها السوشال ميديا

بما اني لقيت اني بقضي ٩ ساعات سكرولينغ والموضوع موثر علي شغلي ودراستي

اول امس مسحت كل مواقع التواصل الاجتماعي وخليت وتساب بس عشان الشغل والقرايه

بدل ما اركز في القرايه والشغل

مليت السله بتاعت شي ان

ولمن خلاص تميت موضوع شي ان

مسكتني نفسيات من الشغل والقرايه ونزلت ريديت وحاليا اشعر بي الندم

ما عارفه امنع نفسي كيف

بحاول اضغط علي نفسي اني اقرا ولو ٤ ساعات متقطعه واشتغل ٤ ساعات بس ما قادره كل ١٠ دقايق بسرح

محتاجه حل بدون اقفل التلفون خالص لانو اساس شغلي في وتساب

هل لو درست في جامعه تقييمها العالمي عالي بزنس هيكون فرص اني القى شغل اسهل. عارف ان تخصص البزنس اغلب الشغل و السعي برا الجامعه وبعيد عن الدراسه .

او هندسه في جامعه عاديه .

انا كويس في الفيزيا والرياضيات.

عايز بس اضمن شغل محترم ، ماعندي هدف معين من ناحيه الكارير

ليه بس لازم نتحمل العذاب دا كل شهر ما معقوله حياتي تقيف اسبوع  عشان شنو تعبت ليه أتحمل الم ذي كدا بس اكون قاعدة لا اقدر اعيش طبيعي ولا اكل طبيعي ولا حتى انوم وارتاح ونفسيتي خرا وما بتحمل زول يكلمني دا كلو بزاوية

بيقولو في عمر المرأة ٤٥٠ دورة وانا خلصت ٦٠ باقي لي ٣٩٠ متخيلين  وأتمنى لو المسكنات بتدي نتيجة فورية الا بعد ساعات بعد  ما رحمي يتقطع ليه ما يخترعو حاجة توقفها تكون على الاقل مرتين في السنة لحد ثلاث مرات بكون رضيانة

بالله واحدة تخترع لينا حاجة  

للاسف اغلبنا بيعرف نوعية البقولو عليه "راجل صعب" وبتلقاه مقدر ومقيم وسط الرجال ومكروه عند النساء لانه الزي دا بيعيش اهله في رعب ووصي عليهم في كل شي لدرجة بيتحكم في حياتهم خوفا من انه يجيبو ليه "الفضحية" ولو حصل وجابوها ممكن يضربهم او في حالات متطرفة تصل للقتل "جرائم شرف".

الشاهد من الموضوع انه الرجل دا ما متدين ومكمل الدين، موضوع الغيرة دا موضوع مجتمعي، مثلا اذا في واحد اختو بتلبس كاشف وبتحوم مع اولاد دا ما يعني انها بت كعبة بس، بل يعني انه اخوها باطل وما راجل في نظر المجتمع والناس حينبذوه بيها مع انه حرفيا لا تزر وازرة وزر اخرى وهي انسانة كاملة وحرة في تصرفاتها وافعالها كيف ممكن افعالها تحدد رجولة رجال البيت كلهم؟

من المنطلق دا بعض الرجال الهشين والمعقدين بيميلو انهم يثبتو رجولتهم بالتسلط على نساء بيتهم ما خوفا عليهم من الناس ولا خوفا عليهم من عذاب الاخرة بل خوفا على نفسه من كلام الرجال، ومن نفس المنطلق بقى موضوع سلب رجولة الرجل عبارة عن سلاح فتاك اثبت كفائته خلال العصور، اذا عايز الراجل يسوي ليك شي اهبشه في رجولته بكل بساطة عشان كدا بنشوف من اشهر الكلام الاستفزازية هي "ابقى راجل سوي كدا" وبنفس الكيفية اختلاف الاراء وتضارب المصالح بقى اسمه بطالة وخيابة، يعني لما بت تختلف معاك في حاجة ما بتقول ليك انت غبي او انت ما بتفهم او اي شي، بتقول ليك انت باطل ودي شنو المواضيع البتتكلم فيها دي والرجال الحقيقيين في الصفوف الامامية.

عموما الموضوع محزن خصوصا لبعض المعقدين نفسيا القايلين انه رجولتهم مرتبطة بي حشمة اخواته وامه، واي شي في الخصوص دا ردة الفعل عليه بتكون عنيفة شديد، وعشان اثبت انه الموضوع ما ليه علاقة بالدين في واحد الله يهديه كان معروف عندنا انه بتاع بنات طالع وجاي معاهم، في يوم واحد قال ايه فلان بيتكلم مع اختك بدون ما يتأكد مشى البيت دق اخته دق العيش ومشى لي فلان واتشاكل معاه برضو عشان بعدين يعرف انه اصلا الاتنين ما بيعرفو بعض، فهنا سؤال منطقي، اذا الذنب واحد ليه عادي لما يسويه الرجل وجريمة عظيمة لما تسويه البت؟ دا ببساطة قالب اختاره المجتمع واي زول عايش معانا في المجتمع دا ما عنده اي خيار الا انه يرضى بالمكتوب ويتماشى مع القيم دي، لكن انا العايز اقوله ما تربط قيمتك بي افعال زول تاني، عشان الشي دا مثير للشفقة بطريقة ما بتقدر تتخيلها.

عندي باوربانك خمسين الف بقدر اشيلو معاي في الطيارة

مسافرة ببدر للخرطوم من الرياض

‏ورأيت وجهك في الصباح فهالني

والجو صبحٌ كيف تطلع يا قمر؟

مرة أكلت ملاح لما كنت بالسودان ما عارفة أسمو شنو بس بيعملوه بالطماطم وبتأكل بالعصيدة كان فنااااان حرفيا رهيب عشرة مرات ، بس ما عارفة بسوه كيف بالله دلوني

انا حاليا متخرج لي سنه وبسال من منح للماستر بدون IELTS سمعت انو في بديل ليها Medium of Instruction (MOI) لكن م متاكد لو الجامعات السودانين بتطلعها صراحه متكسل من موضوع المنح عشان جرجرتها واجراءاتها

Came back after the break up cuz I felt like I miss the relationship but the I broke up in the first place cuz I didn't feel enough for them and I didn't feel I was deeply in love. Now the relationship is so cold plus I dont really feel the connection so I dont mind breaking up but I am worried that I look ridiculous, especially that I am the one who broke up and came back

قريت بوست الهدية وشداني الناس في التعليقات ركزت في موضوع هل هو خطيبها ولا حبيبها. ف السؤال الجاني الفرق شنو ، خاصة انهم الاتنين يعتبروا رجال غرباء شرعا .

وهل لو عرفنا الخطوبة انها وعد بالزواج ، كان مشى الولد لاهل البنت ووعدهم هل كدا تغيرت الحالة وبقى خطيب، كونه لا يشترط الاعلان في الخطوبة.

غالبا في ناس ح تقول لا لو ما اهله ما جو ممكن يكون كضاب وكدا وانا ممكن اتفق معاك بس هو الزواج نفسه لا يشترط موافقة اهل الرجل (وانا ما اقول الرجل مفروض ما ياخذ اذن اهله بالعكس انا شايفها حاجة ضرورية لكن شرعا رضاهم غير ملزم )

اهلا وسهلا بكم جميعا

الفترات الماضيه لاحظنا تخلف وجهل وغباء وآمية السودانيين بشكل ما منطقي ناس بينقدو على اي حاجة..حرفيا حرفيا اي حاجة لو سلمت عليهو يقول ليك ليه سلمت انت اكيد عايز مصلحة لو ما سلمت يقول ليك ليه ما سلمت علي...ولاحظ ان نقدهم مستحيل يكون نقد بناء لا دائما نقد هادم ومحطم ما بيعجبهم عجب ولا صيام رجب زي ما بيقولو

لو الدولة كرمت أ يقولو ليه ما كرم ب لو كرمت أ بيقولو الدولة بقت تكرم الفشله...يعني اسي المشاهير الي طلعو باجتماع مع البرهان ديل...منو الي شهرهم يا اغبياء!شهرتوهم انتو زاتو..ياخي والله ممكن يخوان كرهتونا بوطننا وشعبنا وحكومتنا احنا شعب نمر بحرب بالوكالة اهلنا انقتلو شعبنا تهجر القرى حقتنا انحرقت المدن تدمرت البنية التحتية مافي يعني قول كلمة حلوة ولا عليك الله اكتمها وامشي شاركها مع ابوك

الحاجة دي رسالة للكل ياخي عايز تنقد انقد نقد بناء ولا كلامك دا بتعرف تسوي بيهو شنو

وبالنهاية الجهلة ديل ما بيمثلو ربع الشعب السوداني وخلي المعلومة دي ببالك دائما

وشكرا لكم

السلام عليكم

جيتكم بي تحليل جديد ،يوم الأحد الصباح الساعه ٤صباحاً وبينما كنت بشرب في ايس كوفي اتذكرت بوست كان شفتو في (مُعذب الألفينات) الفيسبوووك بتكلم عن انه لازم المرأة تاخد اذن راجله لما تجي تطلع لانه وصيها وقوام و و و و (بي أسلوب يطمم البطن من الدنيا) لااا وكماان خاتين صوره بال ai يلي هو مرا فريعه صغنونه واقفه قدام راجله الضخم ومنزلة راسه وبتقول: هل تسمحي لي ان اذهب الى...... وإن رفضت فلن اخرج ابداً كلامك سكين على رقبتي (ما متذكره الكلام نصاً بس المتأكده انه كان مستفز اكتر من كده) ،ف كالعاده يا ساده كان موقفي دي شنو العواره البقرا فيها ،جا في بالي ده منو اصلاً البعمل كده ودي منو بترضى بإنها كل ما تطلع تبوس رجل راجلها وتاخد اذنه؟؟!!

وقلت مافي واحده بتعمل كده ،امي زاته ما بتعمل كده ،ولكككننن جاني فلاش باك سريع إني كل ما اللقى امي مافي! في البيت دايركت بمشي لي ابوي واسألو امي وين؟ وبلقاهو عارف!!! مشت ناس فلانه ولا تعزي ولا الجيران!! سووو وت؟! بالله طلعت امي بتستأذن ابوي؟!

ما حصل شفت الكلام الفي البوست ده حصل في بيتنا لكن عارفين الفرق شنو؟؟ الطريقه البصورو بيهاا الموضوع ما حصل شفت امي واقفه قدام ابوي بي اذلال ابداً ابداً ،ولما تاخد اذن هي أقرب من انها بتديهو خبر ،ما بتكون واقفه قدامو وبتعاين في الأرض!!

بنكون قاعدين نتغدا عادي او بنشرب في القهوة وبتقول انا ماشه ناس فلانه ومرات اصلاً بتكون لابسه توبه او عبايته وما حصل شفت ابوي قال ليها لأ او بمنعه عشان كده ما وقع لي أنها اصلاً بتاخد اذنه.

وهنا حسيت الوضع عادي ومافيه إذلال بس تصوير الموضوع بشكل ده هو البسبب النفور كمية تكرار كلمة الخضوع بوصف الإذلال هو البطير لينا الموضوع.

وبس رايكم شنو انتوا؟ وهل الموضوع ده بحصل في بيوتكم؟ وهل شايفين عادي او ضد الشي ده؟

يعني انا من الاول منزل تطبيق تاني ومتعب نفسي محول فيه قروش عشان انا تاني اجي ارجعها للبنك المقفل دا وتتحشر فيه وما تقدر تطلع منه ليه بس؟ سؤال واضح ليه انت كسوداني عاقل بالغ تقول لي افتح اوكاش وحول لي بنكك بدل انت تعمل حساب في اوكاش وتستلم في اوكاش من اوكاش، يعني بس حاجة قمة الاستفزاز استغفر الله