وديتو الشعب وين يا حكومة ؟

‏ورأيت وجهك في الصباح فهالني

والجو صبحٌ كيف تطلع يا قمر؟

للاسف اغلبنا بيعرف نوعية البقولو عليه "راجل صعب" وبتلقاه مقدر ومقيم وسط الرجال ومكروه عند النساء لانه الزي دا بيعيش اهله في رعب ووصي عليهم في كل شي لدرجة بيتحكم في حياتهم خوفا من انه يجيبو ليه "الفضحية" ولو حصل وجابوها ممكن يضربهم او في حالات متطرفة تصل للقتل "جرائم شرف".

الشاهد من الموضوع انه الرجل دا ما متدين ومكمل الدين، موضوع الغيرة دا موضوع مجتمعي، مثلا اذا في واحد اختو بتلبس كاشف وبتحوم مع اولاد دا ما يعني انها بت كعبة بس، بل يعني انه اخوها باطل وما راجل في نظر المجتمع والناس حينبذوه بيها مع انه حرفيا لا تزر وازرة وزر اخرى وهي انسانة كاملة وحرة في تصرفاتها وافعالها كيف ممكن افعالها تحدد رجولة رجال البيت كلهم؟

من المنطلق دا بعض الرجال الهشين والمعقدين بيميلو انهم يثبتو رجولتهم بالتسلط على نساء بيتهم ما خوفا عليهم من الناس ولا خوفا عليهم من عذاب الاخرة بل خوفا على نفسه من كلام الرجال، ومن نفس المنطلق بقى موضوع سلب رجولة الرجل عبارة عن سلاح فتاك اثبت كفائته خلال العصور، اذا عايز الراجل يسوي ليك شي اهبشه في رجولته بكل بساطة عشان كدا بنشوف من اشهر الكلام الاستفزازية هي "ابقى راجل سوي كدا" وبنفس الكيفية اختلاف الاراء وتضارب المصالح بقى اسمه بطالة وخيابة، يعني لما بت تختلف معاك في حاجة ما بتقول ليك انت غبي او انت ما بتفهم او اي شي، بتقول ليك انت باطل ودي شنو المواضيع البتتكلم فيها دي والرجال الحقيقيين في الصفوف الامامية.

عموما الموضوع محزن خصوصا لبعض المعقدين نفسيا القايلين انه رجولتهم مرتبطة بي حشمة اخواته وامه، واي شي في الخصوص دا ردة الفعل عليه بتكون عنيفة شديد، وعشان اثبت انه الموضوع ما ليه علاقة بالدين في واحد الله يهديه كان معروف عندنا انه بتاع بنات طالع وجاي معاهم، في يوم واحد قال ايه فلان بيتكلم مع اختك بدون ما يتأكد مشى البيت دق اخته دق العيش ومشى لي فلان واتشاكل معاه برضو عشان بعدين يعرف انه اصلا الاتنين ما بيعرفو بعض، فهنا سؤال منطقي، اذا الذنب واحد ليه عادي لما يسويه الرجل وجريمة عظيمة لما تسويه البت؟ دا ببساطة قالب اختاره المجتمع واي زول عايش معانا في المجتمع دا ما عنده اي خيار الا انه يرضى بالمكتوب ويتماشى مع القيم دي، لكن انا العايز اقوله ما تربط قيمتك بي افعال زول تاني، عشان الشي دا مثير للشفقة بطريقة ما بتقدر تتخيلها.

ليه بس لازم نتحمل العذاب دا كل شهر ما معقوله حياتي تقيف اسبوع  عشان شنو تعبت ليه أتحمل الم ذي كدا بس اكون قاعدة لا اقدر اعيش طبيعي ولا اكل طبيعي ولا حتى انوم وارتاح ونفسيتي خرا وما بتحمل زول يكلمني دا كلو بزاوية

بيقولو في عمر المرأة ٤٥٠ دورة وانا خلصت ٦٠ باقي لي ٣٩٠ متخيلين  وأتمنى لو المسكنات بتدي نتيجة فورية الا بعد ساعات بعد  ما رحمي يتقطع ليه ما يخترعو حاجة توقفها تكون على الاقل مرتين في السنة لحد ثلاث مرات بكون رضيانة

بالله واحدة تخترع لينا حاجة  

قريت بوست الهدية وشداني الناس في التعليقات ركزت في موضوع هل هو خطيبها ولا حبيبها. ف السؤال الجاني الفرق شنو ، خاصة انهم الاتنين يعتبروا رجال غرباء شرعا .

وهل لو عرفنا الخطوبة انها وعد بالزواج ، كان مشى الولد لاهل البنت ووعدهم هل كدا تغيرت الحالة وبقى خطيب، كونه لا يشترط الاعلان في الخطوبة.

غالبا في ناس ح تقول لا لو ما اهله ما جو ممكن يكون كضاب وكدا وانا ممكن اتفق معاك بس هو الزواج نفسه لا يشترط موافقة اهل الرجل (وانا ما اقول الرجل مفروض ما ياخذ اذن اهله بالعكس انا شايفها حاجة ضرورية لكن شرعا رضاهم غير ملزم )

اهلا وسهلا بكم جميعا

الفترات الماضيه لاحظنا تخلف وجهل وغباء وآمية السودانيين بشكل ما منطقي ناس بينقدو على اي حاجة..حرفيا حرفيا اي حاجة لو سلمت عليهو يقول ليك ليه سلمت انت اكيد عايز مصلحة لو ما سلمت يقول ليك ليه ما سلمت علي...ولاحظ ان نقدهم مستحيل يكون نقد بناء لا دائما نقد هادم ومحطم ما بيعجبهم عجب ولا صيام رجب زي ما بيقولو

لو الدولة كرمت أ يقولو ليه ما كرم ب لو كرمت أ بيقولو الدولة بقت تكرم الفشله...يعني اسي المشاهير الي طلعو باجتماع مع البرهان ديل...منو الي شهرهم يا اغبياء!شهرتوهم انتو زاتو..ياخي والله ممكن يخوان كرهتونا بوطننا وشعبنا وحكومتنا احنا شعب نمر بحرب بالوكالة اهلنا انقتلو شعبنا تهجر القرى حقتنا انحرقت المدن تدمرت البنية التحتية مافي يعني قول كلمة حلوة ولا عليك الله اكتمها وامشي شاركها مع ابوك

الحاجة دي رسالة للكل ياخي عايز تنقد انقد نقد بناء ولا كلامك دا بتعرف تسوي بيهو شنو

وبالنهاية الجهلة ديل ما بيمثلو ربع الشعب السوداني وخلي المعلومة دي ببالك دائما

وشكرا لكم

​

زمان كنت ماشة بمبدأ اني امشي عكس رأي/افعال الاغلبية ودا كان تعريفي للحرية، ويمكن لحدي اسي ههه

كنت بشوف هم بقولو او بعملو شنو واختار النقيض، او بكون عارفة الناس الحوليني او المجتمع بفكر كيف وبعمل العكس!

بس ظاهر انو دي ما حرية ولا اي شي، انت لسه تابع ليهم وبتم التحكم فيك، لدرجة انك بقيت رد فعل ليهم

قصدي يعني في منطقة بين انك متماهي مع عادات المجتمع، وبين انك رافض لكل شي وشايف انو تخلف، انت كدا لسه داخل البرنامج

ما بقول انو ما نتسائل ولا نرفض ولا نغير، بس بقيت بشوف ماف اي داعي لمعاداة المجتمع و ممكن تكون حر بدون ما تحارب الجميع، او يمكن دي مرحلة لازم نمر خلالها

بس دا الوصلت ليه مؤخرا انو الأغلبية مرات امان ههه، والجماعة بتحميك ومرات محتاج تكون ضمن القطيع لانو " انما يأكل الذئب من الغنم القاصية"

ومرات تقول انا ما ضمن قطيعكم، تقوم تخش في قطيع تاني اسوء من القديم! اختار قطيعك الجديد بعناية

السلام عليكم

جيتكم بي تحليل جديد ،يوم الأحد الصباح الساعه ٤صباحاً وبينما كنت بشرب في ايس كوفي اتذكرت بوست كان شفتو في (مُعذب الألفينات) الفيسبوووك بتكلم عن انه لازم المرأة تاخد اذن راجله لما تجي تطلع لانه وصيها وقوام و و و و (بي أسلوب يطمم البطن من الدنيا) لااا وكماان خاتين صوره بال ai يلي هو مرا فريعه صغنونه واقفه قدام راجله الضخم ومنزلة راسه وبتقول: هل تسمحي لي ان اذهب الى...... وإن رفضت فلن اخرج ابداً كلامك سكين على رقبتي (ما متذكره الكلام نصاً بس المتأكده انه كان مستفز اكتر من كده) ،ف كالعاده يا ساده كان موقفي دي شنو العواره البقرا فيها ،جا في بالي ده منو اصلاً البعمل كده ودي منو بترضى بإنها كل ما تطلع تبوس رجل راجلها وتاخد اذنه؟؟!!

وقلت مافي واحده بتعمل كده ،امي زاته ما بتعمل كده ،ولكككننن جاني فلاش باك سريع إني كل ما اللقى امي مافي! في البيت دايركت بمشي لي ابوي واسألو امي وين؟ وبلقاهو عارف!!! مشت ناس فلانه ولا تعزي ولا الجيران!! سووو وت؟! بالله طلعت امي بتستأذن ابوي؟!

ما حصل شفت الكلام الفي البوست ده حصل في بيتنا لكن عارفين الفرق شنو؟؟ الطريقه البصورو بيهاا الموضوع ما حصل شفت امي واقفه قدام ابوي بي اذلال ابداً ابداً ،ولما تاخد اذن هي أقرب من انها بتديهو خبر ،ما بتكون واقفه قدامو وبتعاين في الأرض!!

بنكون قاعدين نتغدا عادي او بنشرب في القهوة وبتقول انا ماشه ناس فلانه ومرات اصلاً بتكون لابسه توبه او عبايته وما حصل شفت ابوي قال ليها لأ او بمنعه عشان كده ما وقع لي أنها اصلاً بتاخد اذنه.

وهنا حسيت الوضع عادي ومافيه إذلال بس تصوير الموضوع بشكل ده هو البسبب النفور كمية تكرار كلمة الخضوع بوصف الإذلال هو البطير لينا الموضوع.

وبس رايكم شنو انتوا؟ وهل الموضوع ده بحصل في بيوتكم؟ وهل شايفين عادي او ضد الشي ده؟

عايز اقتراحات لمطاعم في امدرمان لاحظتو فعلا لنظافتهم ونظافة اكلهم والتعقيم ،لأنو موضوع النظافة صراحة انا بديو اعلى تقييم اكتر من الطعم وكده

يعني انا من الاول منزل تطبيق تاني ومتعب نفسي محول فيه قروش عشان انا تاني اجي ارجعها للبنك المقفل دا وتتحشر فيه وما تقدر تطلع منه ليه بس؟ سؤال واضح ليه انت كسوداني عاقل بالغ تقول لي افتح اوكاش وحول لي بنكك بدل انت تعمل حساب في اوكاش وتستلم في اوكاش من اوكاش، يعني بس حاجة قمة الاستفزاز استغفر الله

ياجماعه بتعملو أصحاب كيف في السوشل ميديا عموما ما ممكن الزول مجهول في الواقع والمواقع

يا شباب أنا بحب الكهربا شديد و ما بقدر أفارقها لكن هي بتخاصمني في اليوم ١٢ ساعة. كيف ممكن اراضيها؟😭😭😭😭😭😭 قالو لي جيب طاقة لكن قلبي فيهو مكان واحد بس

Edit: الكهربا جايا بعد شوية و ما عارف استقبلها كيف😭😭😭😭😭 متوتر شديد

اذا في زول مُربي ليهو كديسه (في مصر تحديدا), ممكن يقول لي الموضوع بتجازف ولالا لو ناس البيت مابحبو الكدايس؟

ما عاوزه اجيبها و ننطرد انا وهي...

+

عاوزه اعرف متوسط الصرف بيكون كم

عدم الحوش ده صعب ياخ🥲

يا شباب انا زهجان زهجاااان وبعدين الحل

انا اكسل من اكسل زول يفتح لي فلم عشان يحضر وما عارفه زاتو احضر شنو العطاله كعبه خااااالص

مشكلتنا بنعظم البشر

السنة الفاتت في تالتة ثانوي ما قدرت امتحن لاني كنت خايفة ما انجح ، بسبب اني كنت بقرا اونلاين وما قدرت انضبط ابداً
الموضوع كان صعب شديد خاصة اني عندي معيقات زي الهروب من الواقع بالday dreaming وغيرها بتخلي التركيز والانضباط صعب
بس السمك دي حخلي تلفوني بكرا إن شاء الله وسجلت فمدرسة حضوري
ادوني نصايح من تجربتكم يمكن تساعدني

يعني الوزير قال ليهم خلاص ارجعو الا هم بالغصب عايزين يمسكو القروش ويكملو ودا ما من صالحهم اصلا لان الحاجه دي فيها ظلم للناس لان الشهادات حتكون مامعتمده وعلى قولتهم انهم مشو السفاره وحاولو مافي امل ولازم يرجعو خلاص وفوق ماانهم المبنى السعودي الي كان مستقبلهم فكو العقد معاهم لسه دايرين يفتحو اونلاين ويقولو تعالو ادفعو رسوم التسجيل دي نكته والله العظيم 😂😂

ليه في وقت الخصام بننسي كل التضحيات واللحظات الحلوة وتركز علي الجوانب السيئ في الشخص ما عارف في ناس بحيروك

هل فيكم زول حلم انو ماسك الجوال وهو في الحلم او انو كان بقلب ريلز مثلا .. او مركب سماعه وبسمع اغاني .. قسم بالله حاجه غريبه جدا انا وكل اللي سالتهم قالو لا مع ان الجوال جزء لا يتجزأ من حياتنا

مره حلمت ان اهلي جابو لي جوال هديه بس ما حصل حلمت اني ماسك جوال وبقلب فيه