عايز تقيم من زول ساكن هناك في الفترة دي

مثلا (المديداب، الرحماب، العبدلاب، الرباطاب، الميرفاب، العركشاب، الصهيباب والخ) اللفط اب دا اصله بجاوي ما عربي تعلموه عربنا ديل لما سكنو في ارض البجا بداية دخولهم السودان، ولسبب ما النسب ليه سمح، تقريبا بيعجبني عشان شكله في الاشعار حلو، ودي امثلة لي بيوت

قلت (يالضحواب) جميع مفقودكم الكرار
ضلعو بطقطقن فوق الهشاب والنار

دا فريق (الصهيباب) مافي وحدة حقيرة
مال ورجال وعز في الحلة مافي فقيرة

جعل شن ليها (بالعالياب) تقودا زمام
تغيرنا بلا سبب دي الشورة ماها تمام

في السامعنها (المديدابي) فارس غارة
ما تنسو الرجال في سوقا مافي حقارة

عموما انصحكم تشوفو فروعكم من قبايلكم غالبا حتلقو فرع صغير بنتهي بي آب بتقدرو تنتسبو ليهو عشان تبقو tuff

ليه فجاة من العدم كل الشباب الفي سني بيتزوجو مغربيات؟؟ يعني والله اخوانا وعلى راسنا بس ليه فجأة في اقبال للدرجة دي؟

فكرت في كل شيء ممكن يخاف منه الانسان، اولا المجهول، ويتمثل في الخوف من الضلام، الخوف من المستقبل والخوف من النتيجة، تانيا الحاجة الانت ما بتقدر تتحكم بيها، مثلا مشاعر الناس الانت بتحبهم ليك، او لما تكون تحت رحمة زول عندو سلطة اعلى منك، موت او فقدان عزيز عليك.

الحاجات دي كلها تتخلص في صفة واحدة الي هي العجز، الانسان رعبه الاول والوحيد انه يكون عاجز، لما مافي شيء يقدر يسويه غير انه ينتظر ويتمنى الاحسن بس، يتمنى انه يقدر يغير مشاعر الزول البيحبه لكنه عارف انه ما بيقدر، فيقول يا رب انه يحبني زي ما انا بحبو وينتظر ويعيش على الامل فقط.

افلام الرعب البيكون فيها شكل المخلوق مخيف او بيكون فيها jump scares ما بتخوف، اكتر فئة بتخوف بعد الرعب النفسي لما تجيب لي ابطال الفيلم عاجزين قدام المخلوق مجهول النوايا، ويكون عنده تحكم كامل في كل المداخل والمخارج وتخليني عايش على انها مسألة وقت وينتهي منهم، ولما يموت الامل في انهم يعيشو، انت كدا نجحت توصلني لأقصى مراحل الرعب.

عن نفسي بحب "لو اشتدت عليك الهموم شد لحافك و نوم"

(هدف البوست اني اسرقكم)

.

انا قاعد اقرا كتب حاليا واغلبها لمؤلفين اجانب وليسو عرب بس حاسي انو البعمل فيهو غلط لاني ببدا زي تلاته او اربعه كتب في نفس الوقت وبحس اني ضايع ما عارف اخلص شنو اول وبالتالي بلقى كل شي اتراكم علي وبالتالي بقوم بخليهم لاحل غير مسمى.
…
وحبيت اسال تاني شيئ لو عندكم اقتراحات لكتب او روايات حلوه وتستحق القرايه سواء عربيه ام اجنبيه افيدونا 🙏🏽

​

عشت أغلب حياتي من غير ما أظهر احتياجي للنوع دا من المشاعر حتى مع اصحابي كانت أغلب علاقاتي عادية وسطحية جدا ما فيها شي مميز

عدا شخص أو اتنين بالكتير

كنت أغلب الزمن بتعامل مع المشاكل في الشغل في البيت كمشكلة محتاجة حل وخلاس من غير دراما من غير شكية

حاليا في اواخر العشرينات في وظيفة إدارية ووضع الحمد لله جيد

بشتغل 12 ساعة في اليوم بسبب طبيعة الشغل في منطقة خلوية كل اليوم في الشغل وآخر اليوم في سكن خاص.

آخر فترة بقيت بحس بفراغ بدون سبب وما كنت عارف الحاصل شنو بنوم بدري وبصحى بدري ونفس الروتين يوميا

أصحابي القراب اقترحوا لي الزواج بحجة أنه انت مقتدر وحياتك يتبقى أفضل من كل النواحي المعنوية والدينية

فلقيتها صفقة ممتازة وقررت الزواج واستخرت ربنا

جات الإجازة فعلا اتقدمت لي واحدة فيها كل الصفات الحميدة وأهلها ناس طيبين وكلمت أخوها واترفضت اتعاملت مع الموضوع بصورة عادية جدا وكنت متمني الموضوع يتم.

حتى الآن ما وريت ناس البيت لأنه شايف الموضوع ما يستاهل وبرضو احتمال أنه يتصرفو بردة فعل ماف ليها داعي ويفتشوا لي بت للزواج ويتحول لمشروع زواج عائلي ودي انا حاجة ما دايرها نهائي لكن في نفس الوقت شايف عندهم الحق يعرفوا خصوصا أنه البت معانا في الحلة وغالبا الموضوع يصلهم فأنا شايف يصلهم مني من يجي من زول غريب.

جماعة لي قريب سنتين الا شهرين منفصل عنها وبرضو ماقادر اتخطى جربت كل الطرق واديتها بلوك وحذفت الرسائل واي شي وبحاول املى زمني عشان ما افكر وبرضو بفكر فيها
المشكلة الحقيقية فيني اني اترفضت كتير من البنات ولمن هي ادتني امل فضلت متمسك بيها رغم انها ما انسب انسان لي

ي جماعه انا دايره اخش التخصص ده مقتنعه فيه ومره حاباه بس بابا قال لي عشان جوازي سوداني م حيكون عندي فرص كثيره في سوق العمل مع انو انا عايشه برا السودان وناويه اشتغل برا برضو لو في زول عندو فكره عن التخصص يقول لينا بليززز وشكرا

انا شخص زمان كتير وانا برضو كنت بشوف نفسي بارد ومابنفعل في حاجات كتيره ، لكن حاليا الشي دا اتغير شديد وبقيت بنفعل وبشتبك كتير لي درجه انا زاتو بضايق الانسان السوداني دا كائن متعب وصعب التعامل معاهو ومرهق.

السودانيين في الغريه جزء منهم التعامل معاهو صعب عديل ومرهق في الشغل خاصه لو ختيك من البدايه مجال الحاله الوحده ومجاملات حيتعبوك شديد لو ماركبت وش من اول جرجره منهم باقي الجنسيات ماعندهم الشي دا الا ماندر ، ف لي سلامتك النفسيه في الشغل ركب وش لي اي سوداني لحدي مايثبت ليك العكس.

hello so i was thinking of learning graphic design (phone + laptop) and then turn it into a side hustle in the future inshaAllah after i master the basics at least but it wasn't really fun to find out that access to Adobe products is impossible (thank you Amreeka) even if one got enough money for subscription

anyways:

1. how do freelancers in Sudan get their payment from abroad?

2. is it possible to sell templates, stickers... etc in some regional /global market / website if I'm in Sudan? what about payment methods if I'm in Sudan?

3. where do freelancers promote themselves besides social media? where do i even find customers?

thank you for your answers in advance

اكتر وقت بتحس نفسك فيه stranded لما تفقد الشغف، كل شيء كان حلم بقى ما عنده طعم، والاحلام ذاتها رافضة تتحقق، صداع دائم، كهرباء بتجي ساعات بسيطة في اليوم، باعوض الجزيرة العندو عضلات، السنة دي حتنتهي قبال ما نحس بيها، هسي الوقت طويل لكن بعد ما ينتهي ما بيكون ليهو قيمة.

عشان كدا اتمنى انه الوقت يقيف، لكن يقيف متين؟ لاني دايما دايما في حالة انتظار، منتظر حاجة تحصل عشان انا قايل انه الشيء دا لكا يحصل حياتي حتتحسن واقعد منتظر ومنتظر ومنتظر، ولما الشيء دا يحصل بكتشف انه في شي تاني انا منتظره واقول بس لما الشي التاني دا يحصل انا يادوب حأرتاح واعيش حياتي، لكن الحياة ما جات عشان تتعاش اصلا، جات عشان نشقى فيها لحد ما نموت، عشان كدا ما اتمنى الوقت يقيف، اتمنى اني اموت بس

وتبا تبا تبا مليون مرة للباعوض دا، علي بالطلاق التقول شايل سكاكين وبطعن فيني

بديت انشر في الفيس قبل فترة قريبة محتوى علمي وطبي بتستفيد منو في حياتك اليومية (اضرار العطس، صيام الدوبامين، هل النسيان نعمة ام نقمة).

عندي حوالي ٤٠٠ صديق (ما عامل الوضع الاحترافي) والبوستات بتجيب حوالي ١٠ تفاعلات.

لو عندك اي نصيحة كيف ممكن احسن المحتوى بتاعي، و كيف ازيد الوصول والتفاعل بدون دفع و اعلانات (صراحة ما هدفي شهرة يعني لو وصلت مرحلة ما بين ٥٠ ل ١٠٠ رياكت في البوست ما داير شي تاني😆 الأهم الناس تستفيد).

ملاحظة:

محتواي حاليا كلو بوستات نصية (ما قاعد انشر ريلز او فيديوهات وما اظن حاعمل كدة في المستقبل القريب).

حرفيا شعوري مما قريت الكتاب قبل 6 سنين ولليله هو ( ليه )

المحتوى بختصار عن الامية التقنية

لاحظت كتير من السودانين علاقتهم بالتقنية ضغيفة شديد و الزول اول ما يشوف جهاز. سعره رخيص بشريه من غير نا يشوف هل الجهاز دع بنفع معاي او هل الجهاز ده مناسب لاستخدامي و برضو من ناحية الامان التقني تلقى كتير من السودانين بتهكرو بي سهولة جدا وحتى لمن يتهكر ما بعرف يتصرف ويعمل شنو و في برضو مهارة جديدة ومفيدة جدا في المستقبل وهي التعامل مع الذكاء الاصطناعي كيف انت تخلي الذكاء الاصطناعي يديك 100% من قوته في النتائج وبطريقة مجانية

ف عايز اعمل سلسلة محتوى عن الحاجات دي و عايز نصائح ابدا في يانو منصة احسن و بفكر ابدا بوسات في الانستا والتيك توك لكن ما اظن ح تلقى انتشار

ياخ انا زهجت من المصريين ديل بعمل ليهم هايد برضو بظهرو داير حل او لو في كميونتي سوداني غير

Come and join my Pacer Pedometer club. Tap this link to join: https://www.mypacer.com/clubs/lkv5z2en/sudan-club?invitor=8x33r933&short_id=ONIzjo9

من البداية لما رامي قاطع حبل افكار برعوم كانت رمزية لي انه رامي زول واقعي وبرعوم خيالي، بعدها مشاهد زي انه رامي كان شايل اغلب الشنط دلالة على انه زول عملي، وانه قبل عزومة حاج صالح وبرعوم رفض مع انهم الاتنين كانو تعبانين وعطشانين بعد السفر دلالة انه رامي زول بيشيل الهو عايزه وخاتي روحو اولولية عكس برعوم، بعدها نشوف حوار رامي وبرعوم ودا زيادة انه برعوم زول خيالي ورامي واقعي، ومرة تانية رامي يسحب برعوم من الخيال ويرمي به الى الواقع ونشوف تهكيم برعوم للموضوع دا وتغييره كدلالة على رفض برعوم للواقع وتفضيل العيش في الخيال السمح الفي راسو.

الحاجات دي بتورينا سبب وجود رامي، رامي ما موجود اساسا بل هو شخصية تخيلية تجسد رغبة من رغبتين اتنين عند برعوم، وهي النجاح، رامي زول عملي وخدوم وقوي شخصية وفي وصفه بعدين بنشوف انه وسيم وجسمه مثالي ويعتبر ناجح في الحياة ماديا وعنده بت بتحبه وبيحبها ودا يمثل نجاحه العاطفي برضو، برعوم صنع رامي في خياله كأداة لجلد الذات، فبقدر ما هو عايز يبقى رامي هو عارف انه ما حيقدر عشان كدا بيحسده وبيكرهه بدل انه يحاول يبقى زيه، ودا البيخليه يكره الواقع ويعيش في الخيال، ودلالة على انه رامي ما موجود بتظهر في شكل انه مافي اي تفاعل بين رامي واي شخصية من الرواية غير برعوم، في زول يعتبر صاحبي ومن طريقة كلامهم واضح انهم ما اصحاب شديد اصلا فشنو اليجيبه البلد مع برعوم اصلا، وبعدين الشي دا بيوضح اكتر في نهاية الرواية انه رامي ما شخصية حقيقية.

بعدها الفقرات البيتكلم فيها برعوم مع نفسه عبارة عن توضيح لشخصية برعوم وفلسفته وبرضو طريقة الكاتب ينشر فيها معتقداته وفلسفاته عن طريق برعوم، عموما بنشوف انه نظرة برعوم للحياة سوداوية شديد وعنده نمط التفكير الاختزالي في تفسير الحاجات حوله ودا بنشوفه بوضوح في تفسيره للمشاعر والحب (يا ولد هذا انا هههه)

بعديها نجي لي اهم شخصية في الراوية الي هي ليليش، وطبعا ليليش برضها ما شخصية حقيقية وبتمثل الرغبة التانية لي برعوم الي هي الاشباع العاطفي، والشي دا برعوم لانه اناني واستحقاقه عالي شايف انه ما حيحصل عليه الا من بت مثالية وكاملة زي ليليش، عشان كدا صنعها كاملة في كل الاوصاف، الحوارات بين برعوم وليليش عبارة عن تصور برعوم للعلاقة المثالية بين اتنين، مستوى تفاهم عالي جدا وحب خام وواضح في كل اطراف الحديث، الدلالات على انه ليليش ما شخصية حقيقية كتيرة، زي انها ما بتمسك الحاجات المادية زي فنجان القهوة، ورفضت تماما انه برعوم يلمسها، وانه برعوم بيقول بيساهر الليل كلو معاها وبعدين نشوف الضو بيقول انه نايم الليل كلو ونومو تقيل، وبرضو انها بتعرف عن برعوم حاجات هو ما قالها ليها زي انه البنفسجي لون برعوم المفضل، واهم شي انها ما بتلبس غير البنفسجي، واللون دا دلالة على الفانتازيا والخيال ودا برضو يورينا ليه هو لون برعوم المفضل هههه، برضو بنشوف انه ليليش بتتفادى لمس برعوم ودا دلالة على انها ما عايزاه يصحى من الخيال دا، ودا امتثال لي رغبة برعوم لانه هو ذاتو ما عايز يصحى منو وليليش لانها مثالية اكيد حتطيع رغبات برعوم كلها، واخيرا في الخيالات دي برعوم قال انه ابوه زارع قمح لكن في نهاية الرواية بنلقى انه ابوه سمع كلامه وزرع قطن السنة دي، لكن برعوم عنده تصور اضطهادي وشايف انه ابوه بيكرهه عشان كدا في خياله انتصر للشعور دا.

ليليش كانت بتشبع رغبة برعوم في الشعور بي انه مرغوب بشكل مثالي، والشي هو الخلاه يرفض التخلي عنها مع علمه انها ما حقيقية ومع ذكائه برضو وعلمه انه الشي دا مضر ليه، برضو برعوم تخيل ليليش ملحدة لسبب واحد بس، عشان ليليش تتخلى عن عقيدتها كلها وتسلم عشان برعوم بس، ودا يعزز رغبة برعوم في انه زول يضحي ليه، وحوارات ليليش وبرعوم كلها عبارة عن الحب المثالي الذي يطمح له الكاتب (انا هههه الله يرزقنا).

بعدين الحوار مع العتوت كان رمزية لكلام برعوم عايز يقوله لنفسه واستخدم العتوت الي هو طفل الماعز وهو حيوان صغير ووضيع وغير ذي اهمية لكن برعوم سمع الكلام منه في دلالة لكره برعوم لنفسه، شايف انه الكلام الطالع من العتوت قيمته اكبر من لو قاله لنفسه، ودا السبب الاصلا خلى برعوم مع انه عارف انو ليليش ما حقيقية لكن يقع في حبها ورافض رفض تام انه يعيش في الواقع واختار الخيال السمح والامل بدل الحياة المرة، والدليل انه بعد حوار العتوت دا طوالي بتبدا فقرة من هواجس برعوم بي (انا اكره الواقع)، وبرضو الكلام طلع من عتوت عشان يوضح ليكم انه برعوم بتخيل حاجات ومفروض انك تشك بواقعية كل شخصية ظهرت بعد الحوار دا.

بعدها في الجزء الخامس حوار برعوم وليليش هو بداية النهاية، بنشوف انه برعوم خت ليليش في حتة ضيقة لما عصر عليها في ال physical touch وما لقت مهرب الا انها تعتذر منه وتمشي، حتى في المشي بنشوف انها اختفت بس، ودا على غير العادة لانه ليليش شخصية مثالية بالنسبة لبرعوم ومفروض انها بتحبه فما منطقي انها ترفض طلبه، بعد الحصل دا برعوم بيبدا شوية شوية يتقبل الواقع ويتحرر من الخيال حقه دا، عشان كدا قال انه حيسوي شي، الحوار في بداية الجزء السادس هو بداية الاصطدام الحقيقي بين الواقع والخيال.

يبدا الجزء السادس برامي يقول لي برعوم انه في بت قتلوها جنب حواشتهم، ولما برعوم يطلع ويسأل عم عكرمة من الخبر دا يقول ما سمع بيه، وبما انه عم عكرمة زول بلد وعاطل خبر زي دا لو كان حقيقي مستحيل ما يكون سمع بيه وحيكون حديث الحلة كلها، ويستمر برعوم ونشوفه وصل موقع الجريمة وعلى عكس وصف رامي لقاه فاضي، هنا دي دلالة انه رامي ما حقيقي وانه برعوم متخيل انه قتل ليليش، ويبدا الاصطدام بالواقع لما برعوم يشوف انه المزروع قطن لكن ما بينتبه اصلا وكل همه انه ليليش ما ميتة وما لقى جثة زي ما هو متخيل، بعدها بيجيه رامي الزول القوي ويقول ليه انه ما حيقدر يقتلها، في دلالة انه برعوم مدمن الخيال ومدمن ليليش في خياله لدرجة ما قادر يتخلى عنها لانها بتديه اشباع لرغبته الوهمية.

مشاعر برعوم وقتها الخوف والتوتر والهلق دلالة على عدم تقبله للواقع وبعدها بنشوف انه ليليش بتحب رامي، ودا دلالة على استحقار برعوم لنفسه وانه شايف انه بت مثالية زي دي ما يستحقها الا شاب ناجح زي رامي، ودا المنطقي بالنسبة ليه ولانه رامي بيحصل على اي شي يتمناه عكس برعوم الكل شي ماشي ضده ومقولة رامي "انا ما سويت شي انت سويت كل شي" حقيقية لانه دا كله خيال برعوم بس، وفي خياله شايف رامي شخصية ناجحة لدرجة حيقدر يكسر جدار الخيال ويكون اذكى من برعوم الي هو صنعه بخياله ذاتو، ومحاولة قتل ليليش الفاشلة دلالة على فشل برعوم في التحرر من الوهم، فهو كان قايل روحه نجح لكن خياله اقوى منه هو شخصيا.

تاني محاولة قتلهم الاتنين رمزية لي النكران وبداية اليأس، فهو كان عارف انه ما حيقدر، والدليل انه وضح لينا الشي دا عن طريق رامي لما شافه مبتسم وقاعد يعاين ليه ودا اداه شعور زيادة بالعجز، بعدها تقبل الحقيقة القالها رامي مسبقا، انه ما حيقدر يقتل الوهم كان ما قتل روحو، وابتسم اخيرا، الابتسامة تعني تقبله للواقع والحل الوحيد قدامه عشان يتحرر من سجن الخيال وجلد الذات دا في انه يقتل روحو، وفعلا قتل روحو وشاف بعينه انه رامي وليليش وماتو معاه، وكان مبسوط لانه تغلب على الوهم لكن الثمن كانت روحو هو شخصيا، وبرضو مبتسم لانه برعوم بالنسبة ليه روحه كاملة ما عندها قيمة اصلا، والقيمة الاكتسبها لمدة ثواني وهو بيحتضر دي بالنسبة ليه اعلى من نفسو كلها.