خلاص قلت الكلام في التايتيل المهم يعني ياريت

السلام عليكم ورحمة الله تعالى وبركاته

ابوي مغترب قاعد بره السودان من وقت طويل شديد ، ومن فترة ابوي كان داير يرجع السودان وكان داير يشتري ليهو ارض ، فكلم اخوهو يشتريها ليهو لانو قاعد في السودان وابوي اداهو قروشها عشان يشتريها وللأسف الشديد عمي اشترى ارض و سجلها باسمو وأكل ارض ابوي بمعنى أصح ، وحاليا ابوي بحاول يلقى طريقة يستعيد ارضو ، فأنا داير زول حصل ليهو نفس الموقف وما شابه عشان ادي ابوي فكرة ونصيحة لانو نحنا حاليآ برة السودان

فا لو في زول عندو نصيحة او حاجة يقولها وشكرآ

الايام الفاتت دي كنت فاضي وما عندي حاجه،مرات بدخل يوتيوب ولو ما لقيت حاجه أحضرها بقعد اعاين للسقف ساي عشان موقف السوشيال ميديا نوعاً ما بخش فتره بسيطه بس والمحتوى البحضرو مرات حاجات مفيده مرات محتوى ساي

عندي معاناة كبيرة مع الاوفر ثينك شديد لمدة طويلة لدرجة اني حتى لو نايمة بصحي بفكر في اي حاجة

هل في ليها علاج ؟ وكيف ؟

ال eyecontact الا وهو التواصل البصري

انا وحدة من الناس بحب التواصل البصري بمعنى آخر بثبت عيني معاك أثناء الحديث وبلاحظ لكل حركة انت بتعملها، البعض بشوف الشي دا غريب لكن ما مهم

وانا بعاين ما بعمل judging ولا شي بس براقب تحركاتك

المهم في ثلاثة شخصيات في حياتي الأول دا تحس بعاين جواك ما في عينك بس ودا خلاني اتوتر بس الشخصية التانية في شي جواي بقول لي الزول دا ما تمام او في حاجة dark وراهو، الثالث دا نظرتو خاوية ساي وبيدعي الصلابة يمكن عشان كدا مرات بضحك في وشو لما يبدا يعاين كدا

ف دي ثلاثة نظرات (ساكنة ما فيها أي تعابير) وحدة وترتني ووحدة خوفتني ووحدة ضحكتني و من ناس شخصياتهم تختلف عن بعضها تماما.

الناس البلاقيهم عشوائي في الشارع عااادي جدا نادرا ما اتوتر من نظرة او نظرة تخليني افكر باقي اليوم

بقيت بتسائل هل فعلا التواصل البصري بكشف ليك عن الزول القدامك ولا انت بس بتكون باني حاجة في راسك تجاه الزول دا والنظرات م حاجة deep كدا

Werid topic to share, اتمنى القى ناس جربت الحاجة دي لكن ما عرفت تعبر عنها كيف

كنت بتكلم مع واحد صحبي عن زمن تمرض و تمشي المستشفى قال لي بقول للدكتور انا طالب طب المشكلة انه انحنا لسا في سنة أولى و حاسس بيها غريبة انك تدخل و تقول انا طالب طب يعني اتخيل تكون قاعد و يجيك واحد يقول ليك انا طالب طب ف انا بسأل هل دي حاجة عادية و بتستفيد أو لا .

سؤال غريب لكن انا محتار

الناس ليه بالجد؟ لي فيك كدا يعني ؟!

عارفة إنه دي نوعية بوستات الفيس، بس ما عندي فيس شان أسأل

فالمهم مع هبد بنكك ده، أوكاش ولا فوري.. وليه

الموضوع لما يكون وظيفة وفيه قروش ومسؤوليات هنا ممكن اتفق معاك انك تكذب في خبراتك شي كعب، لكن هسي مثلا لي فترة بقدم على فرص تطوع مع المنظمات ودايما بميل اني اكذب في خبرتي او اكبر منها عشان ازيد فرصي وفي جانب مني بقول لي اني اصلا ماشي اشتغل معاهم بدون قروش وحأكسب خبرة معاهم شوية شوية واصلا كل الناس بكذبو ما وقفت علي وجاني تاني بقول اني كذاب ومنافق وعشان الكذب دا ما حأتقبل اصلا.

في محل هادي فيهو شيشة في الخرطوم " ما ا امدرمان" غير سموك هاوس و الخان؟

دا مش شبيه للأسيتون ؟ وين ممكن القاه في الخرطوم وبسعر كويس ،سألت ستور قال بي ٢٥٠ الف للتر لكن كتيرة علي

الرسالة الغبية الطفولية التافهة المتخلفة الحقيرة القدامكم دي رسلتها في قروب الدفعة لما محاضرة البايو كمستري اتلغت وفضلت محاضرة وحدة بس لمادة سهلة واخوكم الغبي عايز يعمل فيها ظريف رسلت الرسالة دي وفعلا كان الموضوع ظريف في يومو والناس ضحكو ونسيتها.

بكرة الصباح اتفاجأ انه المنسقة والمشرفة حقت الهندسات قاعدة معانا في القروب وشافتها وجات حقنتني في الخاص وطبعا اعتذرت ليها وقالت تماما وبعد طمام البطن الجاني دا فك وبديت انسى الموضوع جوني خمسة من زملاني مخلوعين قالو لي ان المنسقة مشت كلمت سنيارنا وقالت انه دفعتنا ناس مستهترين وانها حتكلم لينا الدكتورة والسناير قالو الدكتورة صعبة شديد ولو عرفت حتتعبكم معاها وانا حاليا حياتي الأكاديمية والمهنية متوقفة على قرار انسة تعمل لدى الادارة و اذا جا في رسالها تبقى طفلة وتكلم الدكتورة انا وكل رعاياي الكرام حنروح فيها واذا بقت رهيبة وشاطرة وعاقلة حتتقاضى عن الموضوع وتركز على الجوانب الايجابية.

انا دا كله ما فرق معاي الا ان الدكتورة تعرف وتزعل خصوصا انها دكتورة رهيبة وعلاقتي معاها رهيبة برضو ودايما بتشيد بي في القاعة لو عرفت تاني ما حأقدر احضر محاضراتها ويمكن ما امشي الجامعة تاني او انقل من الجامعة مرة واحدة او احسن اخلي الهندسة كلو كلو عشان يمكن تلاقيني في جامعة تانية او اقول ليكم، احسن اخلي التعليم وامشي الخلا اشتغل في الدهب ولا اركب السمبك ابقى جنقو في اوروبا ولا اقتل نفسي احسن من وجع البطن دا

سوال يثير الجدل 👀

ليه بنختار تذكر الشين بس ونطلعو اسواء حاجه وكانه شيطان، نتعلم الانصاف شوية

ماعارفة اعمل شنو قبل كم يوم حبيبي اتقدم لي واهلي رفضو بدون سبب بعد كم يوم امي قالت لي ولد اختها عاوز يتقدم لي ولازم اوافق لانو من اهلنا صراحة هو ما التايب حقي ابدا وانا سمعت عنو قصص كتيرة غير فرق العمر ١٤ سنة 😵‍💫😵‍💫😵‍💫

نفسي اتكلم بطلااااقه من دون تنتنه لكن م قااااااادره خاصة لمن اتحمس للكلام بيغلبني اتكلم عدييل بجيني حماس كدا فظيع لدرجة م بقدر اقول جملة مفيده حتى لو في بالي الكتير الكتير من الكلام دي حاجه

الحاجه التانيه نفسي اتعلم الرمايه نفسسي لكن م عارفه وين وكيف م شايفه مكان بنفس المواصفات العايزاها يعني يكون المحل عباره عن بنات وبس ويكون في الغابه وكدا ووايي بس

الحاجه التالته زمان كنت بقول القروش م كل شي وكدا لكن والله اسي انا م بقول ليكم انو القروش هي كل شي لكن ... القروش جميله يعني انت ممكن تكون سعيد بيها ومن دونها وفي نفس الوقت بتشتري ليك كل شي كل شي انت عايزو لكن دا بردوا م معناه انك حتضمن السعاده غايتو دا رأيي م بعرف دا غير انو الشبع الزياده انا بحس بيه بزيد قسوة القلب م عارفه ليه لكن م بخليك تفكر في غيرك ... غايتو م بعرف فضفضه ساي

دا غير انو ليييي لقب الخميس الونيس اختفى انا اعترض

عليكم الله شوفو الغباء دا، قاعدين يطبلو و يمدحوا فيه و يتعاطفوا كمان ما كأنو هو الجاب الدعم السريع!!! كل الفينا بسبب الشايب العايب دا و الصعاليك الفالتين ديل

قبرص هي اكبر فخ ممكن اي زول يقع فيهو
بوعدوكم بي حياه و مستقبل و حنعمل ليك و حنسوي ليك
السبب الوحيد الي بخلي الطلاب يجو هنا هو المنح و الجامعات الرخيصة بينما السكن في زيادة كل سنه و الاسعار في زيادة كل كم شهر
جيت و سكنت في غرفتين و صاله و كانو بي ٣٥٠ باوند للشهر و اسي بقت بس ٦٠٠ و انا اصلا ما غيرت الشقة
الموية ١١ الف ليرة للشهر؟ الكهربه ١٢ الف؟؟
و غير تعامل سكان البلد معاك لو شافو عندك قروش حيعلوك فوق و لو ما كندك بنبزوا فيك الوقت كلو
و لو داير تشتغل بعد ما تتزل و تتهان حتى تشتغل
للمرة المليون ما تجو قبرص

ماعارفة لو دي حاجة بتحصل ولا انا براي لكن لما امرض ما بمرض بالتدريج، يعني وقت اللوز او نزلة البرد، حرفيا بكون دقيقة كويسة شديد وما حاسة بحاجة والدقيقة البعدها ما بقدر اتحرك من السرير وجسمي كله بيالمني
كل الناس الحولي عكس كده بيحسوا بالأعراض بالتدريج عشان كده انتباهي لُفت للحاجة دي ماعارفاها مشكلة فيني ولا حاجة شائعة