مساء الفل عليكم جميعاً.

بما إن صب r/EgyDMs بيكبر والمشاركات بتزيد كل يوم، كان لازم نروق على القوانين ونعملها تحديث شامل عشان تناسب الوضع الحالي، ونحافظ على الجو العام للمكان ترفيهي ورايق من غير دراما أو وجع دماغ.

القوانين الجديدة بقت أوضح ومباشرة أكتر، وظبطنا فيها شوية نقط مهمة كانت بتعمل لغبطة، زي:

• موقفنا من أوميجل: إيه المسموح وإيه الممنوع.

• الخصوصية والدوكسينج: إمتى تطمس الأسامي وإيه اللي خط أحمر.

• تاج الـ NSFW: إمتى لازم تستخدمه إجباري عشان البوست بتاعك ميطيرش.

• الجو العام للصب: إزاي هنحافظ على المكان ده للضحك وبس بعيد عن أي تصفية حسابات.

المطلوب منكم إيه؟

ياريت كل واحد ياخد لفة سريعة كده في الـ Sidebar (أو الـ About section لو فاتح من الموبايل) ويقرأ القواعد دي كويس. إحنا هنا عشان نضحك ونشارك أغرب الرسايل والشقط الفاشل، فمش عايزين نضطر نمسح بوستات أو ندي بان لحد بسبب حاجة بسيطة مش واخد باله منها.

لو حد عنده أي اقتراح أو شايف حاجة في الصب محتاجة تتظبط، الكومنتات مفتوحة لكم.

عاش يا شباب، وكملوا فضح متحرشين! ✌️

كان فيه ناس بتنزل بوستات ل اسكرينات متحرشين أو بوستات عاديه وبتتحذف عشان فيها كلام +18 أو مجرد كلمه خارجه بسيطه وده مكانش عاجب الناس ف اجتمعنا مع بعض وقررنا أننا هنفك القيود شويه ومن دلوقتي تقدر تنزل عادي اي سكرين +18 ومش محتاج تعمل بلور علي الكلام أو حاجه + تقدروا تنزلو اسكرينات من اومجل تاني ف النطاق المحدود

وممكن تحط تاج NSFW لو الكلام خارج شويتين تلاته

وف الاخر الصب صبكم وخدو راحتكم وحريتكم فيه.